මාධ්‍යවේදී ජයප්‍රකාශ් තිස්සනායගම්ට විසි වසරක සිර දඬුවමක් නියම කිරීමට විරෝධය පළ කරමින් රාජ්‍ය නොවන සංවිධානයකට සම්බන්ධ පිරිසක් අලුත්කඩේ උසාවි භූමියේ විරෝධතා දැක් වූහ.
තිස්සනායගම් නිදහස් කරනු යනුවෙන් සඳහන් පුවරු රැගත් 25 දෙනෙකුගෙන් සමන්විත පිරිසක් පැය භාගයක් පමණ විරෝධතාවේ යෙදී සිටියහ. වික්‍රමබාහු කරුණාරත්න සහ මාධ්‍යවේදී ධර්මසිරි ලංකාපේලි එම උද්ඝෝෂණයට මූලිකත්වය දී තිබුණි. ලංකාපේලි මහතා එහිදී තිස්සනායගම් මහතා වෙනුවෙන් කතාවක් ද කෙළේ ය.
චෝදනාවලට තීන්දුව නියම වීමට පැය භාගයකට පමණ පෙර එම උද්ඝෝෂණය සිදුවිය.