අපේ පුවත්

ජාති වාදී හැඟීම් අවුස්සා රජය අපකීර්තියට පත්වන ආකාරයේ ලේඛණ මුද්‍රණය කර බෙදා හැරීම හා ත්‍රස්තවාදී කටයුතුවලට මුදල් රැස් කිරීම යන අධි චෝදනා තුනකට වරදකරු වූ මාධ්‍යවේදී ජයප්‍රකාශන් සිත්තම්පලම් තිස්සනායගම් නමැති විත්තිකරුට බරපතළ වැඩ සහිත වසර විස්සක සිර දඬුවමක් කොළඹ මහාධිකරණ විනිසුරු දීපාල විජේසුන්දර මහත්මිය ඊයේ (31) නියම කළාය.

විත්තිකරුට එරෙහිව ත්‍රස්තවාදය වැළැක්වීමේ පනත සහ හදිසි අවස්ථා රෙගුලාසි යටතේ නීතිපතිවරයා විසින් අධිචෝදනා 3 ක් ඉදිරිපත් කර තිබිණි.

විත්තිකරු සත්‍ය සිද්ධීන් විකෘති කරමින් ලිපි ලියා ඇති බව පෙනී යන්නේ යැයිද පැමිණිල්ල විසින් ඉදිරිපත් කර ඇති සියලුම අධි චෝදනා සාධාරණ සැකයකින් තොරව ඔප්පු කර ඇති හෙයින් එම සියලුම අධිචෝදනාවලට විත්තිකරු වරදකරු කරන බව විනිසුරුවරිය ගේ තීන්දුව සඳහන් කරයි.

හමුදාව මානුෂීය මෙහෙයුම දියත් කැර උතුරු නැඟෙනහිර ත්‍රස්තවාදී පාලනයෙන් මුදා ගනිමින් සිටින විටදී විත්තිකරු අසත්‍ය ලිපි ලියා ඇති බව පැමිණිල්ල මෙහෙය වූ රජයේ නීතිඥ සුදර්ශන සිල්වා මහතා අධිකරණයට පැවැසීය.

එම ප්‍රදේශවල සිදුවන මිනීමැරීම්වලට වගකිව යුත්තේ රජයේ හමුදාව බවත් ඔවුන් මෙහෙයුම් සිදු කරන්නේ ප්‍රදේශයේ ජනතාවට ආහාර, ඖෂධ සහ ඉන්්ධන ලබා නොදී ඔවුන් සාගින්නේ තැබීමෙන් ඔවුන් එම ප්‍රදේශවලින් මුදා හැරීමේ යුද උපක්‍රමයක් අනුගමනය කරන බවත් මේ ලිපිවල සඳහන්්ව තිබූ බවද රජයේ නීතිඥවරයා පැවැසීය.

මේ ලිපි කියවන සාධාරණ අයුරකින් සිතන ඕනෑම පුද්ගලයෙකුට, ජනවාර්ගික අසමඟියක් ඇති කැර සාහසික ක්‍රියා ඇති කිරීමේ අරමුණින් මේ ලිපි ලියා ඇති බව පෙනී යන බවද ඒ මහතා කීය. ඉදිරිපත් වී ඇති සාක්කි අනුව යුක්තිය සහ සාධාරණත්වය ඉටුවන තීන්දුවක් ලබා දෙන ලෙස ඒ මහතා ඉල්ලා සිටියේය. විත්තිකරු වෙනුවෙන් පෙනී සිටි නීතිඥ අනිල් සිල්වා මහතා අධිකරණය අමතමින් විත්තිකරු තවදුරටත් කියා සිටින්නේ ඔහු නිවැරිදිකරු බව පැවැසීය.

සාධාරණය වෙනුවෙන්් පෙනී සිටීම නිසා රැකියාව අහිමි කැර ගත්් පුද්ගලයෙකු වශයෙන් විත්තිකරු හඳුන්වා දුන් සිල්වා මහතා අසූව දශකයේ දකුණේ සිංහල තරුණයන් ගැන කතා කළ එකම දෙමළ මාධ්‍යවේදියා විත්තිකරු බවද සඳහන් කෙළේය.

විත්තිකරුගේ හිතේ් ජාතිභේදයක් නොමැති බවත් අකටයුතුකම් පිළිබඳව ජාත්‍යන්තරයට පවා ගෙන ගිය මාධ්‍යවේදියෙක් බවද සඳහන් කෙළේය. විත්තිකරු ප්‍රථම වතාවට දෙමළ ජාතින් වෙනුවෙන්් කථා කෙළේ අතුරුදහන් වූවන්ගේ් මව්පිය සංගමය වෙනුවෙන් බව පැවසූ නීතිඥවරයා පෙර වැරදි නොමැති විත්තිකරු වෙනුවෙන්් දඬුවම් නියම කිරීමේදී සාධාරණය ඉටු කරන ලෙස ඉල්ලා සිටියේය.

පිටු 41 කින් යුත් සිය නඩු තීන්දුව ප්‍රකාශයට පත් කළ විනිසුරුවරිය විත්තිකරු අසාධාරණය වෙනුවෙන් කතා කළ අයෙක් ලෙස විත්තියේ නීතිඥවරයා ප්‍රකාශ කළ බවත් එය එසේ නම් වාකරේ ප්‍රදේශයේ සිදු වූ දෙයට වඩා වෙනස් දෙයක් ඕනෑකමින්් සත්‍ය විකෘති කර ලියා පළ කැර ඇත්තේ මන්ද යැයි ප්‍රශ්න කරයි.

විත්තියේ සාක්කිවලින්් පැමිණිල්ලේ සාක්කි කෙරෙහි සැකයක් මතු කිරීමට නොහැකි වී ඇතැයිද එවන් සාක්කි පිළිගත නොහැකි බවද තීන්දුව සඳහන් කරයි.

විත්තිකරු අධිචෝදනා තුනට වරදකරු කළ විනිසුරුවරිය පළමු සහ දෙවන අධිචෝදනාවන්ට බරපතළ වැඩ සහිත අවුරුදු පහ බැගින්ද තුන්වැනි අධිචෝදනාවට බරපතළ වැඩ සහිත අවුරුදු දහයක සිර දඬුවමක්්ද විත්තිකරුට නියම කළාය.

2006 ජුනි 01 සහ 2007 ජුනි 01 අතරදී කොළඹ දී ජාතිවාදී හැඟීම් ඇවිස්සෙන ආකාරයේ සහ රජය අපකීර්තියට පත්්වන ලේඛණයක් මුද්‍රණය කිරීමට සහ බෙදා හැරීමට කුමන්ත්‍රණය කිරීම, එය මුද්‍රණය කැර බෙදා හැරීම සහ ත්‍රස්තවාදය සඳහා මුදල් එකතු කිරීම, ගෙවීම සහ රාජ්‍ය නොවන සංවිධාන වලින්් සඟරාවට මුදල් එකතු කිරීම යන අධිචෝදනා විත්තිකරුට ඉදිරිපත් වී තිබූ අධිචෝදනා වේ.

මාධ්‍යවේදී ජයප්‍රකාශ් තිස්සනායගම්ට විසි වසරක සිර දඬුවමක් නියම කිරීමට විරෝධය පළ කරමින් රාජ්‍ය නොවන සංවිධානයකට සම්බන්ධ පිරිසක් අලුත්කඩේ උසාවි භූමියේ විරෝධතා දැක් වූහ.

තිස්සනායගම් නිදහස් කරනු යනුවෙන් සඳහන් පුවරු රැගත් 25 දෙනෙකුගෙන් සමන්විත පිරිසක් පැය භාගයක් පමණ විරෝධතාවේ යෙදී සිටියහ. වික්‍රමබාහු කරුණාරත්න සහ මාධ්‍යවේදී ධර්මසිරි ලංකාපේලි එම උද්ඝෝෂණයට මූලිකත්වය දී තිබුණි. ලංකාපේලි මහතා එහිදී තිස්සනායගම් මහතා වෙනුවෙන් කතාවක් ද කෙළේ ය.

චෝදනාවලට තීන්දුව නියම වීමට පැය භාගයකට පමණ පෙර එම උද්ඝෝෂණය සිදුවිය.

ලෝක ආර්ථික අර්බුදය ජය ගැනීම සඳහා නව ක්‍රමවේදයක්් සකස් කිරීමට සාක් සමුළුවේ සභාපතිවරයා වශයෙන් ජනාධිපති මහින්ද රාජපක්ෂ මහතා කළ යෝජනාව ජාත්‍යන්තර මුල්‍ය අරමුදල විසින් පිළිගෙන තිබේ.

සාක් විදේශ ඇමැතිවරුන්ගේ සමුළුව පෙබරවාරි මස 27 දින කොළඹදී පැවැති අවස්ථාවේදී ජනාධිපතිවරයා මේ යෝජනා කළ අතර ඒ සඳහා නව ක්‍රමවේදයක් ජාත්‍යන්තර මුල්‍ය අරමුදල මේ වන විටත් සකස් කර තිබේ.

ජනාධිපතිවරයාගේ යෝජනාව පරිදි සංවර්ධනය වෙමින් පවතින රටවලට ආර්ථික අර්බුදයෙන් ගොඩඒමට උපකාර කිරීම සඳහා ඇමරිකානු ඩොලර් බිලියන 250 ක මුදලක් වෙන් කිරීමට ජාත්‍යන්තර මුල්‍ය අරමුදල අගෝස්තු 13 වැනිදා අනුමැතිය ලබා දී ඇති අතර එය අගෝස්තු මස 28 වැනිදා සිට ක්‍රියාත්මක කෙරේ.

ආර්ථික අර්බුදය හමුවේ කඩා වැටෙන මුල්‍ය තත්ත්වය ගොඩ ගැනීමට කලාපීය හා ජාත්‍යන්තර වශයෙන් නව ක්‍රමවේදයක් සැකසීමේ අවශ්‍යතාව ජනාධිපති මහින්ද රාජපක්ෂ මහතා මෙහිදී සාක් විදේශ ඇමැතිවරුන්ගේ අවධානයට යොමු කළ අතර ඔවුහු ඒ යෝජනාව ඇතුළත් ප්‍රකාශයක් සකස් කළහ.

සාක් ඇමැතිවරු සකස් කළ මේ ප්‍රකාශය ලෝකයේ වැදගත් ආයතන වෙත යොමු කර ඇති අතර අප්‍රේල් මස රැස්වූ ජී 20 රටවල් මේ යෝජනාව කෙරෙහි දැඩි අවධානය යොමු කර තිබේ.

ඒ අනුව ජී 20 රටවල් මේ යෝජනාව ක්‍රියාත්්මක කිරීමේ වැදගත්කම ජාත්‍යන්තර මුල්‍ය අරමුදලට දැනුම් දී තිබේ.

ජාත්‍යන්තර මුල්‍ය අරමුදල සාක් සභාපතිවරයකුගේ් යෝජනාවක්් පදනම් කොට ගෙන මෙවැනි තීරණයක් ගත් ප්‍රථම අවස්ථාව ලෙස මෙය ඉතිහාසගත වෙයි

ජනාධිපතිවරණයට එක්සත් ජාතික පක්ෂ අපේක්ෂකයා ලෙස ඉදිරිපත්් වීමට නම්, පක්ෂ නායකත්වය ඇතුළු සියලුම බලතල තමාට ලැබිය යුතු බව, කරු ජයසූරිය මහතා අවධාරණය කොට තිබේ.

ඊට අමතරව පාර්ලිමේන්තුවේ විපක්ෂ නායක ධූරයද තමාට ලබාදිය යුතුª බවද හෙතෙම සඳහන් කොට ඇත.

පක්ෂ නායකයා ඇතුළු සියලු බලතල නොමැතිව පක්ෂයේ අපේක්ෂකයා වුවහොත් සිදු වන්නේ්් වත්මන් නායකයාට තම කකුලෙන් ඇදීමට ඉඩ ලබා දීමට යැයිද පක්ෂ නායකයාට අවශ්‍ය පරිදි කකුලෙන් ඇදීමට ඉඩ දී ඔහුගේ ඉත්තකු ලෙස මේ තරගයට ඉදිරිපත්් වුවහොත් අවශ්‍ය පරිදි තීරණ ගැනීමට නොහැකි වන බවද ඔහුගේ සමීපතම හිතවතුන් සමඟ පවසා තිබේ.

පක්ෂ ව්‍යවස්ථාවේ නායකයාට ලබා දී ඇති බලතල මීට ඉහත දී පක්ෂ නායකයා ලෙස සිටි ඩී. බී. විජේතුංග ජනාධිපතිවරයා ජනාධිපති අපේක්ෂකයා වූ ගාමිණී දිසානායක මහතාට පවරා දීමේ පූර්වාදර්ශය හෙතෙම සිහිපත් කොට ඇත.

එම අවස්ථාවේ දිසානායක මහතා සිය අදහස්වලට අනුව ප්‍රතිපත්ති ප්‍රකාශ සකසා සාර්ථක මැතිවරණ ව්‍යාපාරයක් මෙහෙයවන අවස්ථාවේදී විජේතුංග ජනාධිපතිවරයා ඔහුගේ කකුලෙන්් නොඇද්ද බවද හෙතෙම සඳහන් කෙළේය.

එල්. ටී. ටී. ඊ සංවිධානයට එරෙහිව ශ්‍රී ලංකා ආරක්ෂක හමුදාවන් විසින් ගෙනගිය මානුෂික මෙහෙයුම සාර්ථකව නිමකර ත්‍රස්තවාදය පරාජය කිරීම පිළිබඳ සිද්ධි අධ්‍යයනය කිරීමට ආසියානු ශාන්තිකර කලාපීය යුද විශේෂඥයෝ තීරණය කරති.

ජපානයේ පසුගියදා පැවැත් වූ 6 වැනි ශාන්තිකර කලාපීය හමුදා ප්‍රධානීන්ගේ සමුළුවේ දී ශ්‍රී ලංකා යුද හමුදාපති ලුතිනන් ජනරාල් ජගත් ජයසූරිය මහතා වන්නි මානුෂීය මෙහෙයුමේ ජයග්‍රාහී සවිස්තරාත්මක තොරතුර අනාවරණය කිරීමෙන් පසු එම අවස්ථාවට සහභාගී වූ සමුළු නියෝජිතයින් විසින් ශ්‍රී ලංකාවේ යුද ජයග්‍රහණ සිද්ධි අධ්‍යයන කිරීමට තීරණය කර ඒ බව දැනුම් දී තිබේ.

රටවල් 22 ක හමුදා ප්‍රධානීන් ගේ සහභාගීත්වයෙන් දින හතරක් පුරා ජපානයේ ටොකියෝහි දී පැවැත්වුණ මේ හය වැනි ශාන්තිකර කලාපීය යුද හමුදා ප්‍රධානීන්ගේ සමුළුව (PACC VI) අගෝස්තු මස 24 – 27 වන දිනවල පැවැත්විය.

එක්සත් ජනපදය හා ජපානය යන රටවල සම අනුග්‍රහයෙන් පැවැත්වුණු මේ සමුළුවට ශ්‍රී ලංකාව , ඕස්ට්‍රේලියාව , ඉන්දියාව , ඉන්දුනීසියාව , ජපානය , මැලේසියාව , සිංගප්පූරුව සහ එක්සත් රාජධානිය ඇතුළු ආසියානු ශාන්ති කර රටවල් 22 ක හමුදා ප්‍රධානීන් සහභාගී වූහ.

මෙහි දී ශ්‍රී ලංකා යුද හමුදාපතිවරයා සමුළුවට සහභාගි වූ සමුළු නියෝජිතයන් සමග ද්විපාර්ශ්වික සාකච්ඡා වට 13 ක් පවත් වා ඇත. මානුෂීය උපකාර මෙහෙයුම් සහ ආපදා සහන කටයුතු වලදී හමුදා ප්‍රජා සහයෝගීතාව සම්බන්ධව ගොඩබිම් හමුදාවල කාර්යභාරය යන තේමාව පදනම් කරගත් මේ සමුළුව ප්‍රධාන විෂයපථ දෙකක් මත පැවැත්වීය.

අදාළ විවිධ මාතෘකා සාකච්ඡා කිරීම සඳහා බහු පාර්ශ්වික සාකච්ඡා වට සහ හමුදා ප්‍රධානීන් අතර ද්විපාර්ශ්වික සාකච්ඡා වට කිහිපයක් පැවැත්විණි. කලාපයේ ආපදා සහන කටයුතු හා මානුෂීය මෙහෙයුම් පිළිබඳ බහු පාර්ශ්වීක සාකච්ඡාවල දි වැඩි අවධානයක් යොමු විය.

ශ්‍රී ලංකා යුද හමුදාපතිතුමාගේ ඉල්ලීමට ප්‍රතිචාර ලෙස ශ්‍රී ලංකා යුද හමුදාව මඟින් සිදු කරනු ලබන බිම් බෝම්බ ඉවත් කිරීමේ කටයුතු පිළිබඳ විශේෂ උනන්දුවක් දැක් වූ හමුදා ප්‍රධානීන් ඒ සඳහා සිය උපරිම සහය පල කරන ලදී.

එමෙන්ම ශ්‍රී ලංකා රජයේ පූර්ණ අධිකාරිය යටතේ ක්‍රියාත්මක බිම් බෝම්බ ඉවත් කිරීමේ කටයුතු සඳහා බිම් බෝම්බ ඉවත් කිරීමේ උපකරණ හිඟතාවක් මත එම කර්තව්‍ය පමාවිය හැකි බැවින් ඒ සඳහා සහයවීමේ අවශ්‍යතාව ද ශ්‍රී ලංකා හමුදාපති විසින් පෙන්වා දෙන ලදී.

සමුළුවේ තේමාව අතර විශේෂත්වය වූයේ සහභාගී වු හමුදා ප්‍රධානීන් එල්. ටී. ටී. ඊ යට එරෙහිව ශ්‍රී ලංකා හමුදාව විසින් මෙහෙය වන ලද සාර්ථක මානුෂීය මෙහෙයුම් හා ශ්‍රී ලංකා හමුදාව ඉන් ලද ජයග්‍රහණ පිළිබඳ විශේෂ අවධානය යොමු කිරීමය.

ඔවුන් ශ්‍ර‍්‍රී ලංකා හමුදාව හා එල්ටීටීඊ ය අතර පැවැති යුද්ධය පිළිබඳ සිද්ධි අධ්‍යනයන් සඳහා අනාගත යුද විශේෂඥයන් ශ්‍රී ලංකාවට යොමු කිරීම පිළිබඳවද අවධානය යොමු කරනා බව දැන්වීය.

මෙහි දී ශ්‍රී ලංකා යුද හමුදාපති ලුතිනල් ජෙනරල් ජගත් ජයසූරිය විසින් ශ්‍රී ලංකාවේ ත්‍රස්ත විරෝධි මෙහෙයුම් සහ කොටි ත්‍රස්තවාදීන්ට එරෙහිව හමුදාව ලබාගත් ජයග්‍රහණ පිළිබඳ සවිස්තරාත්මක තොරතුරු හමුදා ප්‍රධානීන් වෙත ඉදිරිපත් කරන ලදී.

මේ සවිස්තරාත්මක සාකච්ඡාවලදී හමුදාවේ ජයග්‍රහණයන් පිටුපස තිබූ ශ්‍රී ලංකා රජයේ ජනාධිපතිතුමන් සහ ආරක්ෂක ලේකම්ගේ දේශපාලන නායකත්වයත් මානුෂීය මෙහෙයුම්වල සාර්ථකත්වයට සහ සිවිල් ජනතාව බේරා ගැනීමට මනා පිටුබලයක් වු අයුරු පැහැදිලි කරන ලදී.

තවද සරණාගතයන් නැවත පදිංචි කිරීම හා විවිධ සුබ සාධන වැඩසටහන් සඳහා ශ්‍රී ලංකා හමුදාව ඉටු කරන කාර්යභාරය හමුදා නියෝජිතයන් වෙත පැහැදිලි කරන ලදී. මෙහි දී ශ්‍රී ලංකා යුද හමුදාපති ලුතිනල් ජෙනරාල් ජගත් ජයසූරිය අමෙරිකා එක්සත් ජනපද ශාන්තිකර හමුදා අණදෙන නිලධාරි සමග ද ද්විපාර්ශවික සාකච්ඡාවක් ද පැවැත්වීය.

වීසා නොමැතිව ඉතාලියේ රැඳී සිටින ශ්‍රී ලාංකිකයන් හතළිස් දහසකට එළැඹෙන සැප්තැම්බර් මාසය අවසාන වීමට පෙර වීසා ලබා දීමේ වැඩපිළිවෙළක් ඉතාලි රජය ආරම්භ කොට ඇත.

ජනාධිපති මහින්ද රාජපක්ෂ මහතා මීට ප්‍රථම ඉතාලියේ කළ විශේෂ රාජ්‍ය තාන්ත්‍රික සංචාරයේ ප්‍රතිඵලයක් ලෙස මේ අවස්ථාව ශ්‍රී ලාංනිකයින්ට හිමි වී තිබේ. මීට පෙර ශ්‍රී ලාංකිකයින්ට නීතියානුකූල වීසා බලපත්‍ර ලබා දී තිබුණේ වසර 2002 දීය. වසර 2002 සිට මේ දක්වා ඉතාලියේ අනවසරයෙන් රැඳී සිටි ශ්‍රී ලාංකිකයෝ 40,000 ක් දෙනා මෙවර ලැබුණු අවස්ථාවෙන් උපරිම ප්‍රයෝජන ගැනීමට පෙළගස්වන බව ඉතාලියේ වෙසෙන ශ්‍රී ලංකා නිදහස් පක්ෂ ප්‍රබලයෝ පොරොන්දු වූහ.

ඉතාලියේ මිලානෝ සහ රෝමයේ ශ්‍රී ලංකා නිදහස් පක්ෂ ශාඛාවල ප්‍රබලයෝ ඊයේ (30) උදේ අරලියගහ මන්දිරයේ දී ජනාධිපති මහින්ද රාජපක්ෂ මහතා හමු වූ අවස්ථාවේ දී මේ ප්‍රතිඥාව ලබා දුන්හ.

කොටි ත්‍රස්තවාදීන් විසින් රට බෙදා වෙන් කිරීමේ අරමුණින් වසර තිහක් තිස්සේ සිදුකළ බිහිසුණු විනාශකාරී යුද්ධය සාර්ථකව නිමා කළ ජනාධිපතිතුමාට සිය කෘතඥතාවය පළ කිරීමට ද මේ පිරිස මෙහි දී අමතක නොකළහ.

මිලානෝ නුවර සිට රෝම නුවර දක්වා කිලෝමීටර් 800 ක් දුරගෙවා වීසා නොමැති ශ්‍රී ලාංකිකයෝ රැගෙන විත් ඔවුන්ට අවශ්‍ය නිසි අවසරපත් ලබා දීමට තමන් විසින් විශාල කැපවීමකින් ක්‍රියා කරන බව ජනාධිපතිවරයා හමු වු ශ්‍රී ලංකා නිදහස් පක්ෂයේ මිලානෝ ශාඛාවේ භාණ්ඩාගාරික ලොයිඩ් ගුණසේකර මහතා කීය.

විදේශ ඇමැති රෝහිත බෝගොල්ලාගම , ඉතාලි තානාපති නීතිඥ හේමන්ත වර්ණකුලසූරිය මහත්වරු මේ වැඩපිළිවෙළ සාර්ථක කැරැ ගැනීමට විශාල වැඩකොටසක් කළ බව සිහිපත් කළ ගුණසේකර මහතා ඇමැති මෛත්‍රීපාල සිරිසේන , ඩලස් අලහප්පෙරුම , දයාශ්‍රීත තිසේරා , සරත් කුමාර ගුණරත්න , ආචාර්ය මර්වින් සිල්වා , සහ පළාත් සභා මන්ත්‍රී ;මරිල් පෙරේරා මහත්වරු තම සංවිධානයේ කටයුතුවලට දැඩි කැපවීමකින් සුහදශීලිව කටයුතු කළ බවද සඳහන් කෙළේ ය.

මීට අමතරව ඉතාලියේ වෙසෙන ශ්‍රී ලාංකිකයෝ අපි වෙනුවෙන් අපි අරමුදලට වැඩිම මුදලක් පිරිනැමූ පිරිස ලෙස මෙහිදී ජනාධිපතිතුමාගේ් ප්‍රසංසාවට ලක් වූහ.

ජනාධිපතිවරයා සමඟ ඊයේ පැවැති සාකච්ඡාවට ශ්‍රී ලංකා නිදහස් පක්ෂ මිලානෝ ශාඛාවේ ලේකම් අශෝක හෙට්ටිආරච්චි , රෝම ශාඛාවේ සභාපති කුමාරසිංහ ගමගේ සහ රෝම ශාඛාවේ භාණ්ඩාගාරික මිත්‍රානන්ද රත්නායක යන මහත්වරු සහභාගී වූහ.

ඉන්දියාවට නව තර්ජනයක් ද ඇතිකරමින් ගොඩබිම් ඉලක්ක වෙත ප්‍රහාර එල්ල කළ හැකිවන පරිදි එක්සත් ජනපදයේ නිෂ්පාදිත නෞකා නාශක මිසයිල නීතිවිරෝධී අයුරින් වෙනස් කැර ඇතැයි එක්සත් ජනපද රජය පාකිස්තානයට චෝදනා කැර තිබේ යැයි නිව්යෝර්ක් ටයිම්ස් පුවත්පත පෙරේදා වාර්තා කළේ ය.

නිර්නාමික ජ්‍යෙෂ්ඨ නිලධාරීන් හා කොංග්‍රස් මන්ත්‍රීන් උපුටමින් මෙ බව ප්‍රකාශ කරන පුවත්පත, එම චෝදනාව ප්‍රසිද්ධියට පත් නොකළ රාජ්‍ය තාන්ත්‍රික විරෝධතාවක් ලෙස පාකිස්තාන අගමැති යූසුන් රාසා ගිලානිට යොමුකැර ඇත්තේ ඉකුත් ජුනි මස බව සඳහන් කැර තිබේ.

1980 ගණන්වල නිරවි යුද සමයේ එක්සත් ජනපදයේ හිටපු ජනාධිපති රොනල්ඩ් රේගන් පරිපාලනය යටතේ ආරක්ෂක අවියක් ලෙස භාවිතය සඳහා පාකිස්තානයට ලබා දුන් ‘හාපූන්’ නෞකා නාශක මිසයිලය සම්බන්ධයෙන් අදාළ චෝදනාව නැගී තිබේ.

එක්සත් ජනපද හමුදා හා බුද්ධි අංශ නිලධාරින් පවසන්නේ ‘අවි අපනයන පාලන පනත’ උල්ලංඝනය වන පරිද්දෙන් පාකිස්තානය මෙම මිසයිල වෙනස් කැර ඇති බවට ඔවුන් සැක පහළ කරන බවය.

මෙම චෝදනාව ප්‍රතික්‍ෂේප කරන පාකිස්තානය, චූදිත මිසයිලය ඔවුන්ගේ ම නිෂ්පාදනයක් බව කියා තිබේ. එහෙත් පාකිස්තානය නව ප්‍රහාරාත්මක අවියක් ලෙස ඉකුත් අප්‍රේල් 23 දා සැක කටයුතු මිසයිලයක් අත්හදා බලන ලද බව එක්සත් ජනපද බුද්ධි අංශ සොයාගෙන ඇත.

ටයිම්ස් පුවත්පත පවසන්නේ මෙය ඉන්දියාවට එරෙහි ව පාකිස්තාන යුද අවි ගබඩාවට අලුතින් එක්කැරෙන්නක් බව ය. පාකිස්තානය විසින් සංවර්ධිත ගොඩබිම් මිසයිල පද්ධතිය පරිපූර්ණත්වයට පත් කෙරෙමින් පාකිස්තාන නාවික හමුදාවට ගොඩබිම් ප්‍රහාර එල්ල කළ හැකිවන අයුරින් මෙම මිසයිල නිමවා ඇති බව ද එහි සඳහන් ය.

පාකිස්තානය හා ඉන්දියාව අතර යුද අවි තරගයක් ඇතිවීම වලකාලීමට එක්සත් ජනපදය දරන ප්‍රයත්නය ඉන් ව්‍යර්ථ වනු ඇති බව ද පුවත්පත පවසයි.

එක්සත් ජනපදය පවසන පරිදි යුද අවි ව්‍යාප්තිය හා භාවිතය සම්බන්ධයෙන් ඔවුන් දැඩි විමසිල්ලෙන් පසුවන අතර ඒ පිළිබඳව අවධානය යොමු වූ වහාම ආක්‍රමණශීලි අයුරින් ක්‍රියාත්මක වනු ඇත.

මීට අතිරේකව අමෙරිකානු නීතිය තවදුරටත් උල්ලංඝනය කරමින් පාකිස්තානයට ගොඩබිම් මෙහෙයුම් සඳහා ලබාදුන් පී – 3 සී ගුවන්යානා ද වෙනස්කම්වලට භාජනය කැර ඇතැයි ද පාකිස්තානයට චෝදනා එල්ල වී තිබේ.

ජනාධිපති ආරක්ෂක අංශය සහ අගමැති ආරක්ෂක අංශයේ වෙස් ගෙන පුද්ගලයන් 35 දෙනකුගෙන් රුපියල් දශ ලක්ෂයකට ආසන්න මුදලක් වංචා කරන ලදැයි කියන පුද්ගලයකු රුපියල් හාර ලක්ෂ දස දහසක මුදල් සහ ශරීර ඇප මත මුදා හැරීමට මීගමුව ප්‍රධාන මහේස්ත්‍රාත් ජයකි ද අල්විස් මහත්මිය නියෝග කළාය.

මෙසේ ඇප මත මුදා හරින ලද්දේ කුරුණෑගල කොස්දෙණිය අරඹතිස්වැව පදිංචි ජී. නාරද ලක්ෂ්මන් වනිගරාජා නැමැත්තෙකි.

රජය ක්‍රියාත්මක කරන දිළිදු සහන වැඩපිළිවෙළ යටතේ තමාට පුද්ගලයන් ඩුබායි රටට යැවිය හැකි බව පවසා මොහු පුද්ගලයන් 35 දෙනකුගෙන් මුදල් වංචා කැර තිබෙන බව අපරාධ පරීක්ෂණ දෙපාර්තමේන්තුව විසින් කරන ලද විමර්ශනවලදී අනාවරණය වී තිබේ.

මෙකී වංචා කරන විට සැකකරු පදිංචිව සිට ඇත්තේ දිවුලපිටිය පොලිස් වසමට අයත් හොරම්පැල්ල අරංගොඩ ප්‍රදේශයේය.

සැකකරුට එරෙහිව අපරාධ පරීක්ෂණ දෙපාර්තමේන්තුව අධිකරණය හමුවේ ගොනු කැර තිබෙන පැමිණිල්ල අනුව මෙකී වංචා සිදුකිරීම සඳහා සැකකරු තමා ජනාධිපති ආරක්ෂක අංශය සහ අගමැති ආරක්ෂක අංශයේ බවට සඳහන් කරමින් සකසා තිබූ ව්‍යාජ හැඳුනුම්පත් ද අපරාධ පරීක්ෂණ දෙපාර්තමේන්තුවේ නිලධාරීන් විසින් සොයා ගනු ලැබ ඇති බව පැමිණිල්ලේ සඳහන්ය.

මීට අමතරව සැකකරු විවාහ හතරක් සිදු කැර ගෙන තිබෙන බවට කරුණු හෙළිවී ඇතැයි මේ නඩුවේ පැමිණිල්ලේ වැඩිදුරටත් සඳහන්වේ.

අපරාධ පරීක්ෂණ දෙපාර්තමේන්තුව නඩුවේ පැමිණිල්ල වෙනුවෙන් පෙනී සිටියේය.

සැකකරු වෙනුවෙන් ගොඩ්ප්‍රි කුරේ, චනුක කුරේ යන නීතිඥ මහත්වරු පෙනී සිටියහ.

නඩුවේ වැඩිදුර විභාගය ලබන සැස්තැම්බර් මස 17 වැනි දිනට කල් තැබිණි.

ජාත්‍යන්තර මූල්‍ය අරමුදලෙන් විශාල ණයක් රටට ලැබුණා. මේ මුදල ලැබීමත් සමඟ ඇති වී ඇති තත්ත්වය ගැන ඔබේ විග්‍රහය කෙබඳු ද ?

අපේ රට වෙනුවෙන් අමෙරිකන් ඩොලර් බිලියන 2.6 ක ණය මුදල ජාත්‍යන්තර මූල්‍ය අරමුදල දැනටමත් වෙන් කර අවසන්. එහි මුල් ගෙවීමත් දැනට කරල තියෙන්නෙ, දෙවැනි ගෙවීමත් දැන් කරන්න ළඟයි. ඒ නිසා මේ ගැන වාද – විවාද කිරීම අවශ්‍ය නෑ. ඒක තමයි යථාර්ථය. දැන් අපි බලන්න ඕන මේකෙන් ලැබෙන ප්‍රතිඵල දිහා. පළමු වන ප්‍රතිඵලය ඉතාම පැහැදිලිව සංඛ්‍යා ලේඛන ඇතිව අපට පෙන්වා දෙන්න පුළුවන්.

ඒ මේ කාලය තුළ අපේ විදේශ සංචිතය ඇ. ඩො. බිලියන 3.2 දක්වා ගිහින් තියෙනවා. තවමත් අපට ලැබිල තියෙන්නෙ මුළු ණය මුදලෙන් ඇ. ඩො. 300ක් විතර. එහෙම නම් සංචිතයේ ඉතිරි ප්‍රමාණය ආර්ථික ගනුදෙනු ඔස්සේ මේ රටට ගලාඑන විදේශ විනිමය ඒ තත්ත්වය ඇති වෙන්න මූල්‍ය අරමුදලෙන් අපට දෙන ලද සහතිකය ඉතාමත් ම වැදගත් වුණා.

අපේ ආර්ථික කළමනාකරණය පිළිබඳව ලැබුණු සහතිකයක් ලෙසත් මෙය සලකන්න පුළුවනි. අපත් සමඟ ම වගේ් මෙවැනි ණය මුදලක් ඉල්ලා සිටි බංග්ලාදේශයට මුදල් ලැබුණේ ගිය සුමානෙ. ඒකෙන් පැහැදිලි වෙන්නෙ ආර්ථික ක්ෂේත්‍රයෙන් අපට උදවු කරන්න ධ් ර් ජ් එකටත් එතරම් අසීරු නොවුණ බවයි. දේශපාලන වශයෙන් යම් යම් ප්‍රශ්න ඇති වුණා .

ඒත් කිසි රටක් අපට එරෙහිව ඡන්දය දුන්නේ නෑ. කලින් මධ්‍යස්ථ වුන ඡපානය , ඉතාලිය වගේ් රටවල් අපිත් එක්ක ඡන්දය දෙද්දි යුරෝපා හවුලේ සමහර රටවල් ඡන්දය දීමෙන් වැළැකුණා. යෝජනාව සම්මත වුණා. මේකෙන් පෙනෙන්නෙ ලෝකයේ ඉහළ ම මූල්‍ය කළමනාකරණ හා විමර්ශනය කරන ආයතනය වන ධ් ර් ජ් එකෙන් තාක්ෂණික වශයෙන් ඉහළම මට්ටමේ සහතිකයක් අපට ලැබුණ බවයි.

මේ ඔස්සේ ලංකාව තුළ ආයෝජනය කරන අයත් වැඩි වෙලා තියෙන බව පෙනෙනවා. ආයෝජන කිරීම සඳහා අපේ රටේ ඇති වාතාවරණය විමසා බැලූ ‘ස්ටෑන්ඩඩ් ඇන්ඩ් පුවර්’ නම් ජාත්‍යන්තර විශේෂඥ ආයතනය අපේ ස්ථාවරභාවය පිළිබඳ දෙන ලද ලකුණු ඕ සිට ඕ ++ දක්වා ඉහළ නංවා තිබෙනවා. මේ අලුත්ම තත්ත්වය. මේ ආදී සෑම විමර්ශනයකින් ම පෙනෙන්නෙ තත්ත්වය හොඳ අතට හැරී ඇති බවයි.

මේ විදිහට අපේ රටට අලුතින් මුුදල් ගලාඑන මාර්ග හඳුනාගන්න පුළුවන් ද ?

ප්‍රධානතම අර්බුද සමය තුළ අපේ බැඳුම්කර ආදියේ අයෝජන කර තිබූ විදේශිකයන් ඒ මුදල් ආපසු රැගෙන ගියා. දැන් ආපහු සල්ලි අරන් එනවා. අර්බුදකාරී වාතාවරණය යටතේ ඇ. ඩො . මිලියන 600 ක් විතර රටින් පිටට ගියා. ලෝක නීතියට අනුව මුදල් දාපු අය ආපසු ඉල්ලුවාම අපි ඒ මුදල් දෙන්න ඕන. එහෙම මුදල් ආපසු ගත්ත අය දැන් යළිත් එනවා. ඔවුන් විතරක් නෙමෙයි අලුත් අයත් එනවා. ඒ නිසා ධ් ර් ජ් එකෙන් ලැබුණු පළමු වාරිකය තරම් ප්‍රමාණයක් ඇ. ඩො. 300 ක් එක් දවසකින් ලංකාවට ආවා. දවසින් දවස අපේ විදේශ විනිමය තත්ත්වය හොඳ අතට හැරෙනවා.

මේ ණය මුදල විවේචනය කරන සමහරු කියන්නේ මේ මුදල් පාවිච්චි කරන්න බැහැ. ඒවා නිකම්ම හිර කරල තියෙන්නෙ කියලා ..?

ඕක හරිම බොළඳ තර්කයක්නෙ . ඒක මම කියපු කරුණු වලිනුත් පෙනෙනවා. මේ වගේ මුදලක් නොලැබුණා නම් අපට වෙන්නෙ මාස 3 ක විදේශ විනිමය සංරක්ෂණය කරන්න. අපි සංචාරක ව්‍යාපාරය ආදිය හරහා උපයාගත් විනිමය යොදවන්න. නමුත් දැන් මේ මුදල් සංචිතවල ස්ථාවරව තියෙන නිසා අපට ලැබෙන මුදල් සුදුසු පරිදි පරිහරණය කරන්න පුළුවන් .

අනික ඩොලර් බිලියන 2.6 ක් අපට ලැබෙන්නෙ සියයට එකේ පොලියට. සාමාන්‍යයෙන් ලෝකයේ වෙළෙඳාම් කරන්නේ සියයට පහේ පොළියට. ඒ නිසා මේක ඉතා සහනදායි ණයක්. මේ ලැබෙන මුදල් සියයට පහේ පොළියට වෙනත් තැනක තැන්පත් කළ හැකි ද කියන එක ගැනත් අපට අවධානය යොමු කරන්න පුළුවනි. එතකොට ණය ගෙවනවා විතරක් නෙමෙයි, රටට ආදායමකුත් ගලා එනවා. එවිට ණය මුදල ලේසියෙන්ම ගෙවා දැමිය හැකි ආර්ථික ක්‍රියාදාමයක් කරා යොමුවිය හැකියි.

මේ ණය මුදල ලැබීමත් සමඟ ඇතිවිය හැකි වර්ධනයන් පිළිබඳ යමක් සඳහන් කළ හැකි ද ?

එකක් තමයි , තෙල් මිල දරන්න පුළුවන් මට්ටමක දෝලනය වෙමින් තිබීම. ඒත් එක්කම යටිතල පහසුකම් නැංවීම සඳහා අපකළ ආයෝජන ප්‍රතිඵල ලබා දෙමින් තියෙනවා. හොඳම නිදසුන නොරෙච්චෝලේ මෙගාවොට් 300 ක් ලබා දෙන පළමු පියවර සම්පූර්ණ වන විට, ඉතිරි 300 සඳහා මුදල් ලබා දෙන්න චීනය දැන් සුදානම්.

සැලසුම්ගත කාල පරිච්ඡේදයටත් වඩා ඉක්මනින් මේ වැඩ කෙරීගෙන යනවා. කොත්මලේ බලාගාරයේ වැඩත් අවසන් වෙමින් තියෙන්නෙ. මේ රටේ විදුලිබල ඉල්ලුම වාර්ෂිකව 10% කින් වැඩි වෙනවා. රටේ ආර්ථික වේගය වාර්ෂිකව 6% , 7% කින්වත් පවත්වා ගන්න නම් විදුලි බල සැපැයුමක් වාර්ෂිකව 10% ක්වත් ඉහළ දැමිය යුතුයි. මීට කලින් ඔය 10% ට යන්න බැරිවුණා. නමුත්, දැන් ඒ මට්ටමත් අභිබවා අපට ඉදිරියට යාමට හැකි වෙනවා.

විදුලිබල සේවකයන් කවුරුන් හෝ මේ වෙලාවෙ කලබල කරනවා නම් එය ජනතාවට ද්‍රෝහී වීමක්. ක්‍රමයෙන් ගොඩනඟා ගෙන එද්දී ආයෙම වළකට තල්ලු කිරීමක් තමයි ඒවයින් වෙන්නෙ. මෙහෙම කලබල කරන අය විදුලි බල මණ්ඩලය කළමනාකණය අතින් සාර්ථක ආයතනයක් බවට පත් කරනවා ට කිසිදාක කැමැති නැහැ. මොක ද එතකොට දූෂණයටත් ඉඩක් නැහැ. ඇත්තටම දැන් එහි සේවකයො අතිරික්තයක් තියෙනවා. අවශ්‍ය ප්‍රමාණයට පමණක් බඳවාගෙන තිබුණා නම් ඒ පිරිසට දැන් වගේ දෙගුණයක් පඩි ගෙවන්න වුණත් තිබුණා. ජනතාවට ලාභෙට විදුලිය දෙන්නත් තිබුණා.

සමහර රාජ්‍ය ආයතනවලට දේශපාලන හේතුන් මත සාඩින් ටින් පුරවනව වගේ මිනිස්සු පිරවීම නිසා අර්බුද ඇති වුණා.

විදුලිය ප්‍රගතියෙන් ඇත් වෙමින් තිබිය දී වරාය – ගුවන් තොටුපොළ - අධිවේගී මාර්ග ආදියත් ඉදිවෙමින් තියෙන්නෙ. රටේ මාර්ග පද්ධතියේ දැඩි විශාල දියුණුවක් ඇතිවෙලා. උතුර – නැඟෙනහිරත් ඒවා ශීඝ්‍රයෙන් සංවර්ධනය වෙමින් තියෙනවා. යටිතල පහසුකම් ඉහළ නැංවීම අතින් හොඳ ප්‍රගතියක් දකින්න පුළුවනි. මීටත් වඩා අපට ආධාර ලබා ගන්නත් පුළුවනි. දැන් අපේ අඳුරු කාලය ගෙවිල අවසන් වෙමින් තියෙන්නෙ. මේ අප කළ ආයෝජනවල ප්‍රතිඵල අත් විඳින කාලය. විශේෂයෙන් ගතවුණු මාස 3 තුළ අපේ ආර්ථිකයේ නව නැම්මක් ඇති වුණා.

සැබෑ ප්‍රතිඵල දකින්න නම් මේ මුදල ලැබුණටම මදී. එය හරියාකාර යොදවා ගැනීමත් සිදුවිය යුතුයි නේද ?

ඔව් , කොපමණ මුදලක් ලැබුණත් එය නිසියාකාරව භාවිතාවට නොයෙදුනොත් එය ජනතාවට , රටට කරන පාඩුවක් , ඒ නිසා මේ මුදල් ලබාගෙන රටේ ආර්ථිකය හරියාකාර මෙහෙයවා ගැනීමත් ඉතාම අවශ්‍යයි. කලින් ණය මුදල් ගැනීම පවා අසීරු වෙලා තිබුණා. නමුත් දැන් අපට ලැබෙනවා මේ වෙලාවේ අති දක්ෂ කළමනාකරණයක් කරා අපි යොමු විය යුතුයි. බලන්න උතුර – නැඟෙනරහිර කටයුතු මොනතරම් හොඳින් කළමනාකරණය කරල තියෙනවද කියලා.

අවංකවම කිව්වොත් බැසිල් රාජපක්ෂ මන්ත්‍රීතුමාගේ කැපවීම ඒක කවුරුත් පිළිගන්නවා . ඒ වගේ විශේෂ අවධානයක් යොමුවිය යුතු විදුලිබල මණ්ඩලය , ඛනිජ තෙල් නීතිගත සංස්ථාව , දුම්රිය , ලංගම , ආදී ආයතනවල මීට වඩා කළමනාකරණය දියුණු විය යුතුයි. කැපවීමත් අවශ්‍යයයි. වචනවලින් ඔබ්බට , ගණනය කළ හැකි සංඛ්‍යාත්මක ලාභයක් දක්වා ඒවා යා යුතුයි. දූෂණයට - සොරකමට ඉඩ නොතැබිය යුතුයි, දැඩි පරිපාලන තීරණ ගත යුතු නම් ඒවා ගන්න ඕන.

පසුගියදා ජනාධිපතිතුමා පැහැදිලිවම අවධාරණය කළේ රේගුව , දේශීය ආදායම් සහ සුරා බදු කියන සම්ප්‍රදායික ආදායම් මාර්ග 3 ශක්තිමත් කොට රටට ලැබෙන මුදල් ප්‍රමාණය දිය යුතුයි කියලා. ඊට අවශ්‍ය යම් පියවර ද ගෙන තිබෙනවා. මේ නිසා පාලනයක් තිබීම අවශ්‍යයයි. පාඩු ලබන ආයතතන හැමදාමත් පාඩු සහිතව ගෙනියන්න බැහැ. ඒවා ගොඩනැඟීම කළ යුතුයි. නැත්නම් ඒවා පවත්වා ගෙන යාමට වැය වෙන්නේ රටේ සාමාන්‍ය ජනතාවගේ මුදල්. මේ ආයතන බොහොමයක විශාල සේවක අතිරික්තයක් ඉන්නවා. නමුත් , දැන් ටිකෙන් ටික මේවා හොඳ අතට හැරෙමින් තියෙනවා.

ප්‍රවාහන ඇමැතිතුමා දුම්රිය ලංගම වැනි ආයතන ගොඩගන්න පුදුමාකාර කැපවීමක් කරනවා. පසුගිය කාලයේ පෞද්ගලික බසයකට සේවකයො තුන් දෙනයි නම් ලංගම බසයට සේවකයො 15ක් විතර වෙන්න ලංගම විශාල සේවක පිරිසක් හිටියා. තුන් දෙනාට පඩි ගෙවන්න පුළුවන් මුදලක් උපයලා පහළොවක පඩි දෙන්න කොහොම ද ප්‍රශ්න ඇති’ වෙනවා.

ලංගමට දුම්රියට මුළුමනින්ම මූලික ප්‍රාග්ධනය ආයෝජනය කරන්නෙ රජය බව අපි අමතක නොකළ යුතුයි. වාර්ෂිකව රජය ලංගමට බස් සිය ගණනින් ගෙන්වනවා. දුම්රිය මැදිරි ගෙන්වනවා. මේ නිසා පෞද්ගලික අංශය හා රජය අතර විශාල පරතරයක් තියෙනවා. හැබැයි එහෙම තිබියදීත් මීට වඩා ප්‍රගමනයක් ඇති කිරීමට කටයුතු කරගෙන යනවා.

රට ගොඩනැඟීම සඳහා විශාල ප්‍රයත්නයක් දරමින් සිටින අතර , රටේ යම් යම් අර්බුදත් මතු වි පෙනෙනවා. ඒවා කාලයක් තිස්සේ වර්ධනය වු වා විය හැකියි. නිදසුනක් අධ්‍යාපන කේෂ්ත්‍රයේ අර්බුද මේවා ගැන ඔබේ දැක්ම කෙබඳු ද ?

අපේ අධ්‍යාපන ක්‍රමය ඉතාම යල් පැනපු එකක්. දැන් මේ පුංචි පුංචි අර්බුද දිනපතා පුවත්පත් වල පළ වෙනවා. මේකෙ යටින් තියෙන හරය තමයි පවතින දේ හා යථාර්ථය අතර ගැටීම. මෙතෙක් කල් බලාගෙන සිටියත් තවත් කල් මේ අර්බුදකාරී අධ්‍යාපනය හා වර්තමාන අවශ්‍යතාවට ඒකට යන්න බැහැ. කොතැනදී හරි වෙනසක් කරන්න වෙනවා. මේ අධ්‍යාපන ක්‍රමයේ අඩු පාඩු නිසා රැකියා කරන්න බැරි විශාල පිරිසක් වාර්ෂිකව සමාජයට තල්ලු වෙනවා.

පාසල් අධ්‍යාපනයෙන් නිසි වෘත්තීය දැනුමක් ලැබෙන්නෙ නැහැ. විශ්වවිද්‍යාල අධ්‍යාපනය ලැබීම සඳහා උසස් පෙළට 250,000 ක් විතර ලියද්දි, විශ්වවිද්‍යාලයට ඇතුළත් වෙන්නෙ 17,000ක් විතර. මව්පියො දස වධ විඳලා 10,000 ක් විතර ළමයි පිටරට ඉගෙන ගන්න යවනවා. සෝමාලියාව හැර ඕනෑම රටකට ළමයි යවනවා. මේ ඔක්කොම එකතු කළත් 30,000 ක් විතර. ඉතුරු 220,000 ම නිසි සුදුසුකමක් ලබා ගන්න විදිහක් නැතිව එළියෙ.

ඒ නිසා අධ්‍යාපන ක්ෂේත්‍රයේ මේ විශාල අර්බුද විසඳන්නේ නැතිව ප්‍රජාතන්ත්‍රවාදී ලෝකයේ රාජ්‍ය අංශය ගොඩනඟන්න අසීරුයි. නියම දැනුම සහිත පිරිසක් අපේ අධ්‍යාපන ක්‍රමය තුළින් බිහිකළ යුතු වන්නේ ඒකයි. මේ කාරණය පුළුල් ලෙස සාකච්ඡාවට ලක් කළ යුතු මාතෘකාවක්.

අනෙක මේ කාරණයේ දී දේශපාලනඥයාත් අසරණ වෙනවා. මොකද ඔහු දැඩි ස්ථාවරයක සිටියොත් ඡන්ද නැති වෙනවා. ඒ නිසා සමහර දේශපාලනඥයන් තමන්ගේ ප්‍රදේශවල අයගෙන් ඇතැම් ආයතන පුරවනවා. ඒක ප්‍රශ්නයක් . මං මේක වෙන විදිහකට පැහැදිලි කරන්නම්. කොළොන්නාව කියන්නේ තෙල් නගරයක් , ඒත් , ඛනිජ තෙල් සංස්ථාව ඒ ප්‍රදේශයෙ පිට්ටනියක් , ඉස්කෝලයක් වත් හදල තියෙනවා ද? හැබැයි ලෝකයේ තෙල් නිපදවන ජෙඩා , රියා වගේ නගරවල සම්පූර්ණ සේවාවන් , ශුභ සාධන කටයුතු ආදී හැමදේම කරන්නේ ඒ තෙල් සමාගම්. ඔවුන් නගර නිර්මාණය කරනවා. අලංකරණ කටයුතු කරනවා. මැලේසියාවේ පෙට්‍රොනාස් ටවර් කියන්නේ එරට තෙල් ආයතනයේ විශාල ආයෝජනයක්. නමුත් අපට වෙලා තියෙන්නේ ඛනිජ තෙල් සංස්ථාව තමන්ගේ මුදල් කොළොන්නාවට ආයෝජනය කරනවා වෙනුවට තව තවත් රැකියා දීපු එකේ බර දරාගන්න.

දකුණු පළාත් සභා මැතිවරණයේ දී දකුණේ ජනතාව මොන විදිහේ ප්‍රතිචාරයක් දක්වා වි කියල ඔබ හිතනවා ද?

ඌවෙදි විශිෂ්ට ජයග්‍රහණයක් ලබා ගන්නා බව අපි කිව්වා. ඒ විදියට ම ලැබුණා. දකුªණෙදිත් අපි විශිෂ්ට ජයග්‍රහණයක් ලබා ගන්නවා. අපි කතා කළ අර්බුදයෙන් ගොඩ එන්නට නම් ඒක විසැඳුමක් තමයි.

ප්‍රාදේශීය සංවර්ධනය , පළාත් සභාවල ප්‍රධාන අරමුණ පළාත් බදව ප්‍රාදේශීයව දියුණුවක් ඇති කරන එක. හොඳට දියුණු කරන්න පුළුවන් සම්පත් බහුලම පළාත දකුණ. ඛනිජ සම්පත් , ජෛව විවිධත්වය , සංචාරක කර්මාන්ත ය , නොයෙක් ප්‍රවාහන පහසුකම් ආදිය නිසා දකුණ විශේෂයි’ නව වරාය , ගුවන්තොටුපළ ඉදිවෙමින් තියෙනවා.

අනාගතය සම්බන්ධයෙන් ආදර්ශවත් ප්‍රාදේශීය සංවර්ධනයක් දකුණෙන් ඇති කළ හැකියි. ඒ කියන්නෙ ප්‍රාදේශීය සංවර්ධන මොඩලයක්. අනෙක දකුණේ ජනතාවට වර්තමාන ලෝකයක් සමඟ බද්ධවීමට ශක්තියක් තියෙනවා. ඒ නිසා මේ ඡන්දෙදි දකුණේ ජනතාවට තීරණය කරන්න තියෙන්නේ. මේ නව සංවර්ධන සැළැස්මට තමන් අනුගත වනවාද කියන කාරණයයි.

රජය දැනටමත් විශාල මුදල් ප්‍රමාණයක් දකුණට යොමු කරලයි තියෙන්නේ. වරාය , ගුවන් තොටුපළ , අධිවේගී මාර්ග , පමණකුත් නෙවෙයි, අධ්‍යාපන , සෞඛ්‍ය ආදී විවිධ ක්ෂේත්‍රවල ප්‍රගතියෙනුත් ඒ බව පැහැදිලියි. මේ නිසා දකුණ ප්‍රාදේශීය සංවර්ධන මොඩලය බවට පත් කිරීමට තමන්ට ලැබුණු අනගි අවස්ථාව දකුණේ බුද්ධිමත් ජනතාව අත්හරින්නේ නැහැ.

හිගුරක්ගොඩ ප්‍රාදේශීය සභාවේ විපක්‍ෂ නායක ඩී. ආර්. උඩවත්ත මහතා ඊයේ (28) හිගුරක්ගොඩ ප්‍රාදේශීය සභාවේ මහා සභා රැස්වීමේ දී ජනාධිපති මහින්ද රාජපක්‍ෂ මහතාගේ නායකත්වයෙන් ගෙනයන රජයේ සංවර්ධන ක්‍රියාවලියට සහාය දැක්වීමක් වශයෙන් ආණ්ඩු පක්‍ෂ කණ්ඩායමේ අසුන් ගත්තේය. එම දේශපාලන මාරුව සිදුකිරීමට පෙර විශේෂ ප්‍රකාශයක් කරමින් ඒ මහතා මෙසේ කීය.

මෙරට වෙලාගෙන තිබූ ත්‍රස්තවාදී යුද්ධය අවසන් කළ ජනාධිපතිතුමා දැන් රට සංවර්ධනය කිරීමේ කාර්යය අරඹා ඇති හෙයින් ඊට සහාය ලබාදීම අප සැමගේ යුතුකමක්. එජාපයේ නිසි නායකත්වයක් නැති නිසා පක්‍ෂය හෝදා පාළුවට යාම නැවැත්විය නොහැකියි. ඉදිරියේ දී තව තවත් එජාපයේ කොටස් ශ්‍රී ලංකා නිදහස් පක්‍ෂයට එක්වෙමින් ජනාධිපතිතුමාගේ මහින්ද චින්තන වැඩපිළිවෙළට සහාය දෙනවා සිකුරු යයි ද ඒ මහතා කීය.

එල්.ටී.ටී.ඊ සංවිධානය අතහැර රජයට භාර වූ සහ ආරක්‍ෂක හමුදාවන් විසින් අත්අඩංගුවට ගත් පිරිස පුනරුත්ථාපනයට ජාත්‍යන්තර අවතැන්වුවන්ගේ සංවිධානය (ධ්ර්‍ණර්) හරහා රුපියල් කෝටි 150ත් 200ත් අතර මුදලක් ලබා ගැනීමට රජය සූදානම් වේ.

ඒ අනුව අධිකරණ හා නීති ප්‍රතිසංස්කරණ අමාත්‍යංශය සහ ජාත්‍යන්තර අවතැන්වුවන් ගේ සංවිධානය අතර ගිවිසුම මේ සතියේ දී කොළඹ දී අස්සන් තැබේ.

කොටි ත්‍රස්තවාදය පරාජයට පත් කළ පසු, උතුරු - නැගෙනහිර සාමාන්‍ය ජන ජීවිතය යථා තත්ත්වයට පත්කිරීමට රජය ගන්නා යහපත් උත්සාහයට විශාල රුකුලක් මෙමගින් ශ්‍රී ලංකාවට හිමිවනු ඇත.

මෙම ගිවිසුමට අනුව ඉතා ඉක්මනින් මෙරටට ලබා ගැනීමට ඉලක්ක කර ඇති මුදල ප්‍රදානය කිරීමට අමෙරිකාව, මහා බ්‍රිතාන්‍ය, ප්‍රංශය වැනි බටහිර රටවල් ද, ජපානය, ඉන්දියාව වැනි ආසියානු රටවල් ද මූලික එකඟතාවය පළකොට ඇතැයි අධිකරණ හා නීති ප්‍රතිසංස්කරණ අමාත්‍යංශය කියා සිටියි.

එල්.ටී.ටී.ඊ සංවිධානය අතහැර හා ආරක්‍ෂක හමුදාවන්ට භාරවූ පිරිස පුනරුත්ථාපනය කිරීම් යටතේ ඔවුන්ට පරිගණක හා තොරතුරු තාක්‍ෂණ දැනුම ලබාදීම, වඩු, මේසන්, ඇඳුම් මැසීම, විද්‍යුත් පාඨමාලා හැදෑරීමට ඉඩ ලබාදීම සිදු කිරීමට නියමිත ය.

ජනාධිපති මහින්ද රාජපක්‍ෂ මහතාගේ ඍජු අධීක්‍ෂණය යටතේ පැවැති පුනරුත්ථාපන කොමසාරිස් ජනරාල් කාර්යාලයේ කටයුතු ඉකුත් දා සිට අධිකරණ හා නීති ප්‍රතිසංස්කරණ අමාත්‍යංශ විෂය පථයට විශේෂ ගැසට් නිවේදනයකින් ලබා දී තිබේ. උතුරු - නැඟෙනහිර පළාතේ මානව සම්පත නිසි ලෙස රටේ ආර්ථික සංවර්ධනයට දායක කර ගැනීම මේ මුදල් යොදාගෙන සිදු කිරීමට බලාපොරොත්තු වන බව අධිකරණ හා නීති ප්‍රතිසංස්කරණ අමාත්‍යංශය ප්‍රකාශ කරයි.

ත්‍රස්තවාදය නිම කළ රටේ සිංහල, දෙමළ, මුස්ලිම් ආදී වශයෙන් බෙදී වෙන් වී ජාතිවාදී දේශපාලනයේ යෙදීම සුදුසු නැතැයි ද අපි සියලු දෙනා එක පවුලක සහෝදරයන් බව ද ජනාධිපති මහින්ද රාජපක්ෂ මහතා අවධාරණය කෙළේ ය.

මේ රටේ ජනතාව අතර දැන් කිසිදු බේදයක් නොමැති බව පෙන්වා දෙන ජනාධිපතිවරයා යළිත් කිසිදු බේදයක් ඇති වන්නට ඉඩ නොමැති බවත් පැවැසීය.

රටට ආදරය කරන සියලු දෙනා ශ්‍රී ලංකා මාතාවගේ දරුවන් බවත්, තමන්ට මෙන් ම අනෙක් සැම දෙනාටමත් පළමුවත්, දෙවැනුවත්, තෙවැනුවත් වැදගත් විය යුත්තේ මවුබිම බවත් ජනපතිවරයා සඳහන් කෙළේ ය.

ජනාධිපතිවරයා මේ අදහස් පළකළේ ජාතික කොංග්‍රසයේ 5 වැනි සම්මේලනය අක්කරෙයිපත්තුව මහජන ක්‍රීඩාංගණයේ පැවැති අවස්ථාවට එක්වෙමිනි.

රුදුරු ත්‍රස්තවාදයෙන් රට නිදහස් කර ගෙන ඒකීය ශ්‍රී ලංකාවක් බිහි කළ ජනාධිපති මහින්ද රාජපක්ෂ මහතාට නැඟෙනහිර ජනතාවගේ උපහාරය පුද කිරීමේ උළෙල ද පෙරේදා (29) පැවැත්විණි. ජල සම්පාදන හා ජලාපවහන ඇමැති ඒ. එල්. එම්. අතාවුල්ලා මහතාගේ නායකත්වයෙන් යුත් ජාතික කොංග්‍රසය මේ උපහාර උළෙල සංවිධානය කළ අතර එම කොංග්‍රසයේ පස්වැනි වාර්ෂික සමුළුවක් මීට සමගාමීව පැවැත්විණි.

2005 වසරේ දී එවකට අගමැතිවරයාව සිටිය දී අක්කරෙයිපත්තුවට පැමිණි ජනාධිපති මහින්ද රාජපක්ෂ මහතා ජාතික කොංග්‍රස් නායකයාට සහ මුස්ලිම් ජනතාවට දුන් ප්‍රතිඥාව අකුරටම ඉටු කරමින් මේ වාර්ෂික සමුළුව සහ උපහාර උළෙලට සහභාගී විය.

ත්‍රස්තවාදය නිම කොට රටට සාමය උදා කිරීම සියලු ජාතීන්ට එකට ජීවත් විය හැකි දේශයක් ගොඩනැගීම, උතුරු නැගෙනහිර වෙන් කිරීම ආදී වශයෙන් එදා මුස්ලිම් ජනතාවගෙන් නැගුණු ඉල්ලීම් ඉටුකළ ජනාධිපතිවරයාගේ සපැමිණීම ඒ ජනතාව විශේෂ ගෞරවාදරයෙන් සැළකූ කරුණක් වූ අතර ජනාධිපතිවරයා රැගත් යානය ඉහළ අහසේ දිස් වූ මොහොත් සිට උත්සව භූ®මියෙන් පිටව යනතුරුම එකම ප්‍රීති ඝෝෂාවකින් අක්කරෙයිපත්තුව වැසී ගියේ ය.

තමන් කරන සෑම දෙයකට ම විරුද්ධව විපක්ෂය අසත්‍ය ප්‍රචාර කරමින් සිටින බව සිහිපත් කළ ජනාධිපති මහින්ද රාජපක්ෂ මහතා ඒවා විශ්වාස නොකරන්න යැයි ජනතාවගෙන් ඉල්ලා සිටියේ ය.

තමා රටේ නායකයා මෙන් ම ජනතාවගේ මිත්‍රයා ඥාතියා ද වන බව සඳහන් කළ ජනාධිපතිවරයා තමා ජනතාව කෙරෙහි විශ්වාසය තබන අයුරින් ජනතාව ද තමන් කෙරෙහි විශ්වාසය තැබිය යුතු බව අවධාරණය කෙළේය.

එක්සත් ජාතික පක්ෂයේ ජනාධිපති අපේක්ෂකත්වය කරු ජයසූරිය මහතාට පවරා ඇඟ බේරා ගැනීමට එජාප නායක රනිල් වික්‍රමසිංහ මහතා තීරණය කර ඇතැයි ඔහුගේ සමීපතම ආරංචි මාර්ග මගින් දැන ගැනීමට තිබේ.

මේ සඳහා රනිල් වාදීන්ගේ කැමැත්තත් කැරැළිකාර කණ්ඩායමේ කැමැත්තත් ලබා ගැනීමට පහසු වනු ඇතැයි වික්‍රමසිංහ මහතාගේ සමීපතමයන් ඔහුට පෙන්වා දී ඇත.

නියත වශයෙන් එජාපය ජනාධිපතිවරණය පරාජය වන නිසා වික්‍රමසිංහ මහතාට තවදුරටත් පක්ෂ නායකත්වයේ රැඳී සිටීමේ අවස්ථාව උදාවන බව සමීපතමයන් වික්‍රමසිංහ මහතාට උපදෙස් දී ඇති බවද දැන ගැනීමට තිබේ.

එහිදී තමා තවමත් පිරිහී නැති බවට තර්ක කර ඇති වික්‍රමසිංහ මහතා අවසානයේ සමීපතම උපදේශකයන්ගේ බහට එකඟ වී ඇති බවද දැන ගැනීමට ඇත.

එස්. බී. දිසානායක මහතාට ජනාධිපති අපේක්ෂකත්වය ලබාදෙන්නේ යැයි කරන ප්‍රචාරයද රනිල් හිතවාදීන්ගේ තවත් උපායක් බවද දැන ගැනීමට තිබේ.

කරු ජයසූරිය මහතා අපේක්ෂකත්වය බාරගත හොත් එස්. බී. ලවා කරුගේ කකුළෙන් ඇද කරු දේශපාලන සරණාගතයකු කිරීමේ සැලැස්මක්ද මේ සමඟ ක්‍රියාත්මක කරන ලෙස වික්‍රමසිංහ මහතා උපදෙස් දී ඇති බවට කරුණු අනාවරණය වේ.

කෙසේ වෙතත් කරු ජයසූරිය මහතා මේ පිළිබඳ නිහඬ පිළිවෙතක් අනුගමනය කිරීම බොහෝ එජාප පාක්ෂිකයන්ට ගැටලුවක් වී තිබේ.

වැඩිදුරටත් අදහස් දැක්වූ අධ්‍යාපන අමාත්‍යවරයා ප්‍රකාශ කළේ 1996 වසරෙන් පසුව මේ වන තෙක් වසර 13 තිස්සේ ප්‍රමාද වී තිබූ මෙම උසස්වීම් ලබාදීම සඳහා තමා අධ්‍යාපන අමාත්‍යාංශය භාරගත්විට නොයෙකුත් අවස්ථාවල උත්සාහ දැරූ බවයි.

අමාත්‍ය මණ්ඩල සංදේශ ඉදිරිපත් කරමින් මීට වසර දෙකකට පෙර මෙම පත්වීම් ලබාදීමට දැරූ උත්සාහයන් කිහිප වතාවක්ම රාජ්‍ය සේවා කොමිෂම මගින් අවලංගු කළ බව ද අමාත්‍යතුමා පැවසීය. නමුත් රාජ්‍ය සේවා කොමිෂම අහෝසි වී පළමු මාස දෙක තුළ මෙම පත්වීම් ලබාදීමට හැකියාව ලැබූ බව අධ්‍යාපන අමාත්‍යතුමා වැඩිදුරටත් පැවසීය.

මැදිවිය ඉක්මවූ පිරිමියෙක් තරුණ කාන්තාවක් සමඟ විවාහ විය. මේ අතර ඔහුට මිතුරකුගෙන් දැනගන්නට ලැබෙන්නේ මුහුදු බෙල්ලන් කෑමෙන් නැවත තරුණභාවය ලබාගත හැකි බවකි.

එතැන් සිට ඔහු මුහුදු බෙල්ලන් කෑමේ ආසාවෙන් පෙළෙන්නට විය. එහෙත් මුහුදු පතුළේ කිමිදී අවදානම්, අඳුරු ගල්පර අතර පිහිනමින් බෙල්ලන් කැඩීමට තරම් කාය ශක්තියක් ඔහුට නැත.

මෙවිට තරුණ බිරිය ඔහුගේ සහායට ඉදිරිපත් වූවා ය. දෙදෙනා ගේ ම කැමැත්ත පරිදි කිමිදුම්කරුවකු සේවයට යොදා ගැනිණි. කිමිදුම්කරුවා තරුණය. ජවසම්පන්න ය. වියපත් සැමියා හා තරුණ බිරිය විවේක සුවයෙන් පසුවෙද්දී කිමිදුම්කරුවා ඔවුන් වෙනුවෙන් මුහුදු පතුලේ කිමිදෙයි.

අවදානම් ගල්පර අතර පිහිනමින් බෙල්ලන් කඩා ගෙනැවිත් දෙයි.

පළමු දිනෙයේම කිමිදුම්කරුවා විවාහක යුවළගේ සිත් දිනාගනී. දින කිහිපයක් ගතවූ තැන; තරුණ බිරිය ද කිමිදුම්කරුවා සමඟ බෙල්ලන් කැඩීමට යෑමට ගත්තා ය.

වැඩිකල් නො ගොස් මේ තරුණ යුවළ අතර හාදකමක් හට ගත්තේ ය. වියපත් මිනිහා තරුණභාවය ගැන සිහින මවමින් බෝට්ටුවේ හෝ වෙරළේ සිටියදී ඔහුගේ බිරිය හා කිමිදුම්කරුවා අඳුරු ගල්පර අතර කාලය ගත කළහ.

වියපත් මිනිසාගේ තරුණ භාවය පිළිබඳ විචිත්‍ර කල්පනාව රඳා පැවතුණේ කිමිදුම්කරුවා මත ය. එසේ ම තම සැමියා සතුව නැති තරුණ භාවය සැබවින් ම ස්පර්ශ කිරීමට තරුණ බිරියට අවස්ථාව ලැබෙන්නේ ද කිමිදුම්කරුවා වෙතින් ය.

විවාහක යුවළ තරුණ භාවය වෙනුවෙන් කිමිදුම්කරුවා මත යැපෙන්නට ගනිත්ම ඒ දෙදෙනා අභිබවා ආධිපත්‍යය පතුරුවන්නට කිමිදුම්කරුවා සමත් වෙයි. ඒ සොඳුරු ආධිපත්‍යයකි.

කතාවේ අවසානය ඛේදාන්තයකි. මගේ මතකය නිවැරදි නම් මේ චරිත ත්‍රිත්වය එන්නේ එමිල් සෝලා ගේ කෙටිකතාවක ය.

ඒ කිමිදුම්කරුවා අද ජංගම දුරකතනයක් බවට පත්ව ලොව පුරා සෑම තැනෙකම කිමිදෙමින් සැරිසරමින් සිටී. පෙම්වතාට හෝ පෙම්වතියට සැබවින් ම යා නොහැකි ඕනෑම තැනෙකට ඔවුන් වෙනුවෙන් යන්නේ ජංගම දුරකථනයයි.

වියපත් මිනිහාගේ තරුණ භාවය පිළිබඳ ආශාව කිමිදුම්කරුවා විසින් පිනවනු ලැබූ ආකාරයෙන් ම අද පෙම්වතුන් ගේ විචිත්‍ර කල්පනා ජංගම දුරකථනය විසින් පිනවනු ලැබේ.

අතීතයේදී උද්‍යාන, මුහුදු වෙරළ, වැටකෙයියා පඳුරු හෝ සිනමා ශාලා යනාදිය පෙම්වතුන් - පෙම්වතියන් හමුවූ තැන් ය. අද ඒ තැන් පාළුවට ගොසින් ය. පෙම්වතිය කහටගස්දිගිලියේ තම නිවසේ මුළුතැන්ගෙයි සිට ලූනු සුද්ද කරමින් සිටී.

ඇගේ පෙම්වතා ඒ වනවිට සිටින්නේ හපුතලේ දුම්රිය ස්ථානයේ ය. එහෙත් දුර නොතකා මේ දෙදෙනා ඔවුනොවුන් හමුවෙති. මනෝමය ප්‍රේම ලෝකයක සැරිසරති. භෞතික ස්පර්ශ ලෝකයේ ඇති කිසිම බාධාවක්, තහංචියක් මේ මනෝමය ලෝකයට අදාළ නැත.

අවශ්‍ය වන්නේ ජංගම දුරකථනයක් පමණි. ජංගම දුරකථන දෙකකින් ගොඩනැඟෙන රොමෑන්තික ලෝකයේ ඔවුන්ට සිත් සේ හැසිරිය හැකි ය. සිත් සේ වින්දනය ලබාගත හැකිය. ඩිජිටල් යුගයේ මානව ප්‍රේමය ද වෙනස් වෙමින් තිබේ.

සෑහෙන වෙලාවක සිට ජංගම දුරකථනය මුවට තුරුලු කොට ගෙන සිටින යුවතියකි. ඈ පරිසරයෙන් හුදෙකලාව සිටින්නීය.

අවට සිදුවන කිසිවක් ගැන ඇයට අවදානයක් නැත. එහෙත් යුවතියගේ දෙකොපුල් විටෙක රතු වෙයි. තොල් පොපියයි. ඇසිපිය නටයි. ඈ විටෙක කිකිණි හඬින් සිනා නඟයි. තවත් විටෙක ධ්‍යානයක සමවැදී සිටින ආකාරයක් පෙන්වයි.

මේ ප්‍රතිචාර හා ඉරියව් ඇගේ සිරුරෙන් පළ කෙරුණේ ඇය අවට පරිසරයෙන් ලැබුණු දෙයක් නිසා නොව ජංගම දුරකථනයෙන් එහා කෙළවරේ සිට ඇයගේ කන වැකුණු වදන් නිසා ය. ජංගම දුරකථන ප්‍රේම කතා බොහෝ දෙනෙකුට උන් හිටි තැන් පවා අමතක කරවන්නේ ය.

හරියටම වියපත් මිනිසා හා ඔහුගේ තරුණ බිරිය අභිබවා කිමිඳුම්කරුවා ආධිපත්‍යය පැතිරුවා සේම ය. මේ අනුව පෙම්බස් දෙඩීම ද ඩිජිටල් යුගයෙහි මිලක් ගෙවිය යුතු ක්‍රියාවක් බවට පත්ව ඇත. ජංගම දුරකථනය විසන්ධි වුවහොත් පෙම්වතාට පෙම්වතිය සොයාගත නොහැකි ය.

එවිට වින්දනීය මනෝමය ප්‍රේම ලෝකය ද බිඳ වැටේ. ඒ කඩා වැටීම ජීවිතයට හෙණ පහරක් සේ දැනෙයි. ඇයි? එය අද ජීවිතයේ ඓන්ද්‍රීය කොටසක් ව ඇති නිසා ය.

එකම නිවසේ සාලයේ යාබද ආසන දෙකක වාඩි වී සිටින විවාහක යුවළක් පවා ජංගම දුරකථනයෙන් එකිනෙකා අමතන වෙළෙඳ දැන්වීමක් මේ දිනවල රූපවාහිනියෙන් දැකගත හැකි ය.

ස්වභාවික පියවි හඬින් උනුනුන් මුහුණ බලාගෙන පෙම්බස් දෙඩීමට වඩා ජංගම දුරකථනයෙන් ඒ බව කීම වඩාත් ආනන්ද ජනක බැව් එයින් කියැවේ. මෙයත් එක්තරා ලෙඩකි.

සීමාව ඉක්මවූ විට කුමන දෙයක් වුවත් ලෙඩක් වෙයි. ඒ හරියට ම කුලියට ගත් කිමිදුම්කරුවා අර විවාහක යුවළගේ ජීවිතය පාලනය කරන තීරකයා බවට පත් වීම හා සමාන ය.

ඇතැම්විට එසේ සඳහන් කිරීම නිවැරැදි නොවන්නටත් ඉඩ තිබේ. ඩිජිටල් ලෝකයේ සතුට යනු භෞතික ස්පර්ශය ඉක්මවූ අතිශය චමත්කාරජනක, මනෝමය ලෝකයකි.

ඒ අනුව පෙම්වතුන්ට තවදුරටත් කායිකව හමුවීමට වඩා ජංගම දුරකථනයෙන් කතා කිරීම වින්දනාත්මක ය. ඒ ඩිජිටල් ලෝකයේ කිසිම නීතියක් - සීමාවක් - තහංචියක් වලංගු නොවේ. රජ කරන්නේ විචිත්‍ර කල්පනාවන් ම පමණි.

පෙම්වතුන් යුවළක් අතර විචිත්‍ර කල්පනා වින්දනීය ලෙස හුවමාරු කිරීමට ජංගම දුරකථනය හැර අන් දෙයක් මිහිපිට තිබේද?

මංගල කපුවා අලි හොඬය සහ සීනුව එකතු කරන්නට හදන්නේ ලොකු සටනකට නොව බලයේ සිටින මහින්ද රාජපක්ෂ මහතාට එරෙහිව දැවැන්ත බලවේගයක් නිර්මාණය කරන්නටය. බලවේගය නිර්මාණය කරන්නට ගන්නා සියලු උත්සාහයන් අසාර්ථක වන්නේ ජනතා බලවේගය මංගල සතුව නැති නිසාය.

කොහොම වුණත් දැන් අලුත්ම සටන් පාඨය වී ඇත්තේ විධායක ජනාධිපති ක්‍රමය අහෝසි කිරීමය. හදිසියේ මේ අදහස පහළවූයේ ඇයි දැයි යන්න ඕනෑම දරුවකුට වැටහේ. විධායක ජනාධිපති ක්‍රමයට පක්ෂව සිටියේ එක්සත් ජාතික පක්ෂය පමණි. විධායක ජනාධිපති තනතුරේ නිර්මාණකරුවා ද එජාපය වෙයි.

මංගල සමරවීර ද විධායක ජනාධිපති තනතුරට විරුද්ධය. ජනතා විමුක්ති පෙරමුණ මුල සිටම විරුද්ධය. එහෙත් ජ.වි.පෙ. එම තනතුරට තරග කළේය. පැරදුණේය. එජාපයත් එසේමය. රනිල් ඉල්ලුවේය. පැරදුණේය.

දැන් නම් ජනතා විමුක්ති පෙරමුණට ජනාධිපති තනතුර තබා මරණාධාර සමිතියේ සභාපති තනතුරවත් ලබාගන්නට හැකිවන්නේ ඉතාමත් අමාරුවෙනි. රනිල් වික්‍රමසිංහ මහතා එදා සිටම විධායක ජනාධිපති පදවියට විරුද්ධ නැතත් ඔහුට ද ඉදිරියේදී චාන්ස් එකක් නැත. ඒ නිසා දැන් මේ අයියලා එකතුවී සියලු උප්පරවැට්ටි යොදන්නේ ඊර්ෂ්‍යාව වෛරය ක්‍රෝධය සහ කුහකකම තුරුල් කරගෙන කුපාඩි දේශපාලනයක් කිරීමටය.

විධායක ජනාධිපති ධූරය එක එක හාල්පාරුවන්ට අවශ්‍ය විදියට අහෝසි කරන්නට ආණ්ඩුව සූදානම් නැත. තුනෙන් දෙකේ් බලයක් හිමිවූ විගස ඒ ගැන සලකා බැලිය හැකිය. විධායක ජනාධිපති ලෙස මහින්ද රාජපක්ෂ මහතා තවත් වසර හයක් නොව සදාකාලිකව සිටියත් ජනතාව එයට විරුද්ධ නැත. එම තනතුරේ ජේ.ආර්. සිටියේය. ප්‍රේමදාස සිටියේය.

ඊළඟට චන්ද්‍රිකා ආවේය. ඒ සියලුදෙනා නොකළ මහා විස්මිත කාර්යභාරයක් ඉටු කරන්නට මහින්ද රාජපක්ෂට හැකිවිය. රටට තවත් වැඩකරන්නට තිබේ. මන්ත්‍රී කාලයෙත් මහින්ද වැඩ කළේය. ඇමැති කාලයෙත් එසේමය. කම්කරු ඇමැති ලෙස වැඩක් කරමින් සිටියදී ධීවර ඇමැතිකමට මාරු කළත් වැඩ කළේය. අගමැති හැටියට ද එසේමය.

මේ ශ්‍රී ලංකා ධරණි තලයේ බිහිවූ කිසිම නායකයකු නොකළ විශ්වකර්ම වැඩ කොටසක් කළේ විධායක ජනාධිපති රාජ්‍ය නායක, සේනාධිපති මහින්ද රාජපක්ෂ මහතාය.

මවුබිමට එවන් සේවයක් කළ මහින්ද රාජපක්ෂගේ ගමන් මඟ නතර කරන්නට මංගල, රනිල්, සෝමවංශ වැනි දේශපාලන නන්නත්තාරකාරයන් දඟලන දැඟලිල්ලට මේ රටේ ඉඩක් නැත. මංගලට ඇත්තේ සදා නොමැකෙන දේශපාලන වෛරයකි. වෛරයෙන් කරන දේශපාලනයෙන් විනාශ වන්නේ මංගලමය.

ලස්සනට ගොඩනඟන රටක් තව තවත් ලස්සන කරන්නට මංගල කළ යුත්තේ පූර්ණ සහාය ලබාදී ජනතා ප්‍රසාදය ලබාගෙන යළිත් දේශපාලන ධාරාවට එකතුවීමය. එසේ නොවුණහොත් දේශපාලන කුණු බක්කිය පිය උරුමයෙන් ලැබීමය. එය වළක්වන්නට හැකි ජගතකු මිහිපිට බිහිනොවනු ඇත.

ඇලික් අලුවිහාරේ මහතාගේ තෙමස් පින්කම වෙනුවෙන් මාතලේ නිවෙසේ පැවැති දානයට මීට දෙසතියකට පෙර ජනාධිපති මහින්ද රාජපක්ෂ මහතා සහභාගි විය. දානයට සහභාගි වී පැමිණියාට පසු කදිම සිද්ධියක් ගැන මාණික්‍යට වාර්තා වෙයි.

අලුවිහාරේ පවුලේ ජ්‍යෙෂ්ඨතම සාමාජිකයන් ප්‍රකාශ කර ඇත්තේ “මීට පස්සෙ අලුවිහාරේ පවුලේ සියලුම ඡන්ද මහින්ද රාජපක්ෂ මහතාට” බවයි.

රාජපක්ෂ මහතා දානමය පින්කම් ගෙදරින් පිටවූ විගසම එම ප්‍රතිඥාව හෙවත් ප්‍රකාශය කර ඇත්තේ එක්සත් ජාතික පක්ෂයේ ජ්‍යෙෂ්ඨ මන්ත්‍රීවරුන් ඉදිරියේ වීම ද විශේෂ සිද්ධියකි.

1949 සිටම මාතලේ අලුවිහාරේ පවුල පරම්පරාගත එක්සත් ජාතික පාක්ෂිකයෝ වෙති. එවැනි පවුලකට දැන් රනිල් වික්‍රමසිංහ මහතා එපා වී ඇති බව වික්‍රමසිංහ මහතාට සැලවී හමාරය. ඒ ගැන රනිල්ට මල පැන ඇති බව සමන් අතාවුදට සහ කලවැදි චින්තකට කළ ප්‍රකාශයකින් පැහැදිලි වෙයි.

රනිල් වික්‍රමසිංහ මහතාට දැන් දකුණු පළාත් සභා මැතිවරණයට මුහුණදීමට සිදුවී තිබේ. මේ රටේ සාමාන්‍ය දේශපාලන සම්ප්‍රදාය වන්නේ බලයේ සිටින ආණ්ඩුවක් පරාජය කිරීමට විපක්ෂය හැමදාමත් සැදී පැහැදී සිටීමය. එහෙත් සියලු ඡන්දවලින් පරාජය වූ රනිල් වික්‍රමසිංහ මහතාට මැතිවරණ කවදාවත් ගෝචර නැත. හැමදාමත් ඇලජික්ය.

එහෙත් වික්‍රමසිංහ මැතිවරණ කටයුතු සඳහා මාතරට ගියහොත් ඔහුට හූවෙන් සංග්‍රහ කිරීමට ජස්ටින් ගලප්පත්තිගේ ගෝලයෝ සූදානම්ව සිටිති.

හම්බන්තොටට අවුත් අනම් මනම් විකාර නොකරන ලෙසට සජිත් පේ‍්‍රමදාස මහතා රනිල්ට තදින්ම අවවාද කර තිබේ.

“මේ පැත්තේ ඡන්ද මම බලා ගන්නම්” යයි සජිත් කියා ඇත. නාම යෝජනාවලට අස්සන් කිරීමේ අවස්ථාවට සහ නාම යෝජනා මණ්ඩලවලට ද සජිත් සිරිකොතට ගියේ නැත.

මේ අතර මාතර සිටින දේශපාලන කුරුමිට්ටා පසුගියදා විජ්ජාකාරයකුගේ චරිතය රඟපෑවේය. රෝහල්වල ලෙඩ්ඩු බලන්නට යන මොහොතට පෙර රෝහලේ ගේට්ටු ළඟත්, සති පොළේත්, බස් නැවතුමේත් දින පොළේත් විජ්ජා කාරයෝ අපූරු විජ්ජා පෙන්වති. කම්මැලිකම යන්නට ජනතාවත් මේවා බලා ගෙන සිටින්නේ පුංචි පහේ් ජොලියක් සඳහාය.

සමහර විජ්ජා කාරයෝ කළුගල් ගිල බඩට ගිය පසු බඩට තට්ටු කර ජනතාවට පෙන්වති. තවත් අය ටියුබ් ලයිට් හපා කති. සමහර පොල් ගෙඩිය අතින් හෝ කකුලෙන් ලෙලි ගසා අතින් බිඳ පෙන්වති. මේ සියල්ල කරන්නේ මිනිසුන් ගෙන් කීයක් හරි ලබාගෙන ඹ්වත් වීමටය.

මාතර අඟුටුමිටි බුද්ධික පතිරණ ද පසුගිය දා පොඩි විජ්ජාවක් පෙන්නුවේ සිය පාක්ෂිකයන්ටය. එය විජ්ජාවකට වඩා ගොන් පාට් එකක් බව එය බලා සිටි යූඇන්පී කාරයෝ දහඅට දෙනා කියති.

බුද්ධික ඉදිකට්ටකින් ඇඟිලි දෙකම විද ගත්තේය. ලේ පිට විය. ඒ ලේ පෙන්වා බුද්ධික කීවේ තමා කවදාවත් එක්සත් ජාතික පක්ෂය හැර නොයන බවයි. මෙසේ ලේ සමඟ බුද්ධික මල්ලි යකා නැටුවේ අයියා කෙනකු ලෙස හැසිරෙමිනි. බුද්ධිකගේ අයියා පාට් එක හෙවත් ගොන් පාට් එක රූපවාහිනියෙන් දුටු ඇත්තෝ සත්‍ය තත්ත්වය නොදනිති.

මොහු පසුගිය සති කිහිපය තුළ ආණ්ඩුවට එක්වන්නට ෆුල් ට්‍රයි කළේය. ඔහු සාගල සමඟ ද තරහය. දකුණු පළාත් සභා ඡන්දයට සකසා ඇති සන්ධාන ලැයිස්තුවේ හිස් තැනක් නැති නිසා යූඇන්පීයට වී වැඩක් බලා ගන්නා ලෙස ආණ්ඩුවේ ඉහළ බලධාරියෙක් බුද්ධික ගෙන් ගැලවෙන්නට බැරි තැන කියා සිටියේය.

සිය මාමණ්ඩියගේ අනුහසින් ආණ්ඩුවට එක් වෙන්නට දැඟලු හැටි දැන් මාතර එජා පාක්ෂිකයන්ට ද ආරංචි වී තිබේ. මෙම දැඟලිල්ල හා ට්‍රයි එක වැරදුන විට බුද්ධික කළේ ලේ පෙන්වා ගොන් පාට් දැමීමය.

මෙම සිද්ධිය ගැන බුද්ධිකගේ මාමා තරයේ අවවාද කර තිබේ.

“උඹට ඕනැම පක්ෂයකට යන්න ඉඩ තියෙනවා. එහෙත් රට මුදා ගත් ජනාධිපතිතුමාගේ සිත රිදෙන එක වචනයක් වත් කීවොත් උඹේ අඟුටුමිටි කම පොළොවටම සමතලා කරනවා” මාමා කීවේය.

බුද්ධික ඕනෑවට වඩා දඟලන්නට ආවොත් ඔහු ගැන තවත් තොරතුරු මාණික්‍ය සතුව ඇති බව කිව යුතුය.

එක්සත් ජාතික පක්ෂයේ වේදිකාවට මං-ගල නග්ගන්න එපා යයි දකුණු පළාත් සභා එජාප ඡන්ද අපේක්ෂකයෝ රනිල්ට තරයේ දැනුම් දී තිබේ. වෛරය සහ ඊර්ෂ්‍යාව පිරි මහ ගන්නට දේශපාලනය කරන මං-ගල වැනි අයගෙන් එක්සත් ජාතික පක්ෂයට යහපතක් නොවන බව එජාප අපේක්ෂකයෝ පවසති.

“ආණ්ඩුවේ සිටි මං-ගල එක්සත් ජාතික පක්ෂයේ ජ්‍යෙෂ්ඨ මන්ත්‍රීවරුන්ට මඩ ප්‍රහාර එල්ල කළා. ජයලත් ජයවර්ධනට දුරකථන සංවාදවලින් මඩ ගැහුවා. නායකතුමනි, බටලන්ද වධකාගාරය පදනම් කරගෙන ඔහු කළ කී දෑ දන්නවා නේද? ඔබතුමාටත් එක්සත් ජාතික පක්ෂයටත් මංගල කළ දේවල් ඔබතුමාට අමුතුවෙන් කියන්න අවශ්‍ය නැහැනේ.

හෙට අනිද්දා එදා කළ කී දෑ ජාතික රූපවාහිනියෙන් අයි.ටී.එන් එකෙන් ආපහු පෙන්වන විට ඔබතුමාට තරු විසිවේවි” යයි දකුණෙන් එජාප අපේක්ෂකයෝ රනිල් වික්‍රමසිංහ නායකතුමාට සිහිපත් කර දුන්හ.

”ඒ නිසා වැරදිලාවත් මං-ගල වේදිකාවට ගන්න එපා යයි ඔවුහු තරයේ කියා සිටියහ. විදේශ විනිමය වංචා චෝදනා ලබා විදෙස් ගමන් බලපත්‍රය පවා අධිකරණයේ භාරයට ගෙන රට පැන යාම තහනම් කර සිටින රවි අනුන්ගේ රෙදි හෝදන්නට පෙර තමන් රෙදි ඇඳගෙන තිබේදැයි විමසිලිමත් විය යුතු බව දකුණේ එජාප අපේක්ෂකයෝ රනිල්ට දැනුම් දී ඇත.

මෙම දැනුම් දීමත් සමඟම දකුණේ වේදිකාවට නංවා කතා කරන්නට අලුත් ගිරවුන් දෙදෙනකු තිස්ස අත්තනායක විසින් පුහුණු කරගෙන යන බව දැනගන්නට තිබේ.

මේ අතර මුල්‍ය වංචා චෝදනාවලට මැදිවී සිටින චින්තකට දඬුවමක් ලබා නොදෙන්නේ ඇයිදැයි ඔහු සේවය කරන ආයතනයේ සේවකයෝ ප්‍රශ්න කරති. එම සේවකයන් කෝපවී සිටින්නේ චින්තකට එරෙහිව පියවරක් ගැනීමට මේ තරම් ප්‍රමාදවීම ගැනය.

පත්තර ලොක්කකුගේ බෑනා කෙනකු රවටා ගෙන සිය පැවැත්ම තහවුරු කර ගැනීමේ බලවත් උත්සාහයක චින්තක යෙදී සිටින බවද වාර්තා වෙයි. චින්තකට අනුග්‍රහය දක්වන මෙම බෑනාට තානාපති සේවයේ රැකියාවක් ලබා ගැනීමට චින්තක උදව් කර ඇති බව සේවකයෝ පවසති.

බෑනා ගැන විස්තර ද මාණික්‍යට ලැබී තිබේ. චින්තකට එරෙහිව පියවරක් නොගන්නේ නම් මින් ඉදිරියට එම පුවත්පත් ආයතනයේ සේවකයන්ට එරෙහිව කිසිදු විනය ක්‍රියා මාර්ගයක් ගැනීම නොකළ යුතු බව සේවකයෝ මාණික්‍යට පැවසූහ.

දේශපාලන තීරු ලිපි දෙකක් ඉරිදා ලංකාදීපයේ එන සතියේ සිට පළ කිරීම ගැන රනිල්ට මල පැන තිබේ. ඉන් එක් ලිපියක් ඉදිරි ජනාධිපතිවරණය ඉලක්ක කරගෙන රනිල් ඇතුළු එක්සත් ජාතික පක්ෂයට මඩ ගැසීම සඳහා නිර්මාණය කරන ලද්දක් බවට චින්තක සහ ජයතුංග රනිල්ට පැමිණිලි කර තිබේ.

මෙය සිදුවන්නේ රණතුංග නැමැත්තකුගේ උවමනාව පිට පළවන්නක් බව චින්තක රනිල් ගේ කනේ තබා ඇත. කර්තෘවරයා මේ ලිපිය පළ කරන්නේ කුමන පදනමක් මතදැයි චින්තක රනිල්ගෙන් විමසා ඇත.

”මේ ගැන ඔබතුමා රංජිත් විජයවර්ධන මහතාගෙන් විමසන්නේ නැත්තේ ඇයි”දැයි චින්තක රනිල්ගෙන් ප්‍රශ්න කර ඇත.

මෙයින් කෝපයට පත්වූ රනිල් “ඔය දෙන්නගේ ගනුදෙනු ගැන මං දන්නවා. මම රංජිත්ට සහ රුවන්ට කතා කරලා හොඳ දෙන්නෙක් එතැනට දමන්නම්” යැයි කීවේය.

කෝකටත් අපි පුවත්පත් සාකච්ඡාවක් තියලා සියලු තොරතුරු හෙළි කරමු.” යැයි චින්තක සතුටු කළේය.

ආණ්ඩුවට එරෙහිව තවත් සම්මුඛ සාකච්ඡාවක් අවශ්‍ය දැයි මෙහිදී ජයතුංග විමසීය.

රණවිරුවෝ අපේ දෙවිවරු වෙති. ඔවුහු රට මුදා ගත්හ. ඊළඟට අප කතා කරන්නේ ශ්‍රී ලංකාවේ ප්‍රතිරූපය වර්ණවත් කරන ක්‍රිකට් ක්‍රීඩකයන් ගැනය. ක්‍රිකට් ඔස්සේ විශාල මුදලක් ඔවුහු උපයා දෙති. මුදල් කෙසේ වෙතත් ක්‍රිකට් ක්‍රීඩකයෝ රජයටත් ජනාධිපතිතුමාටත් සම්පතකි.

එහෙත් ක්‍රිකට් ක්‍රීඩකයන් උපයන මුදල් ක්‍රිකට් පාලක මණ්ඩලයේ ඇතැම් අයට ඒ හැටි ලොකු නැති බව පෙනේ. ක්‍රිකට් ඉහළම නිලධාරියා ගේ බෑනා කෙනෙකු ක්‍රිකට් ක්‍රීඩාව දන් ගෙඩිය හමුවේ තබන්නට සැරෙසන බව පෙනේ.

මෙම බෑනාගේ තනතුර ලිපිකරුවකුට සමාන වුවද ඔහු ලොක්කාගේ බලය උපයෝගී කරගෙන සිය ආධිපත්‍යය තහවුරු කිරීමට කටයුතු කරන බවද වාර්තා වෙයි. මොහු වෙනුවෙන් රුපියල් ලක්‍ෂ 25 ක් වැය කොට කාර්යාල කාමරයක් සාදන බවද සැලයි. මෙම කාමරය හැදීම ගැන තවත් විශේෂ කතාවක් ඇසෙයි.

කාමරය නිර්මාණය කරන්නේ අහවල් මිසිස්ලු. කාමරය හැදුවාම මිසිස් එහි තනතුරකට යනවාලු.

මේ බෑනා එජාපයෙත් ප්‍රබලයෙකි. බස්නාහිර පළාත් සභාවට ඉල්ලා ගෙන කෑ මේ බෑනා දැන් ක්‍රිකට් මණ්ඩලයේ මුදල් කනවාලු.

මොහු කතා කරන්නේ ක්‍රිකට් භාෂාවෙන් නොව පරුෂ වචනයෙන්ලු. මෙම පරුෂ වචන හෙවත් කුණු හරුපවලට ඔහු හුරුවී සිටින්නේ තවත් හුටපටයක් නිසාලු. පසුගිය කාලයේ ඔහු විදේශ රැකියා කාර්යාලයක් පවත්වා ගෙන ගියේය.

ගෘහ සේවිකාවන් රට යැවීමට මුදල් ලබා ගත්තත් රට යවා නැත. ඒ අය මුදල් ඉල්ලන්නට ආවිට මේ ක්‍රිකට්කාරයා කතා කරන්නේ පරුෂ වචනවලිනි. කුණු හරුපවලිනි.

දකුණු පළාතේ ජාත්‍යන්තර ක්‍රීඩාංගණය හැදීමට දැනටමත් මොහු සියයට 10 ක් ඉල්ලූ බව කියති. මොහුගේ සහෝදරයකු ක්‍රිකට් පාලක මණ්ඩලයට ඇතුළත් කරගෙන රුපියල් ලක්ෂ තුනක වැටුපක් ලබාදීමට සූදානම් බවද දැනගන්නට තිබේ.

ගාල්ලේ වජිර දැන් නිහඬය. යුද්ධය දිනුවොත් බුද්ධාගම අත්හරින බව ඔහු එදා කීවේය. බුද්ධාගම අත්හරිනවා පමණක් නොව වෙනත් ආගමකට යන බව ද ඔහු කීවේය. යුද්ධය දිනාවි කියා වජිර කිසිදා සිතුවේ නැත. කට පැරදුනේ ඒ නිසාය. නොදන්නා මඟුල් ගැන කතා නොකරන දේශපාලනය පමණක් කරනවා නම් කොයිතරම් නම්බුකාරද? වජිර ආගම ගැන කතා කළාට ඔහු ආගම දන්නේ නැත.

පොඩි කාලයේ පටන්ම වජිර බණපද දන්නේ නැත. බුද්ධාගමේ ගාථාද වැඩිය. ඒවා ඔහුට මතක හිටින්නේ ද නැත. බුද්ධාගම තිත්ත වුණේ ඒ නිසා විය හැකිය. දැන් වජිර අදහන්නේ මොන ආගමදැයි අපි නොදනිමු. දැන් වජිරට ගාල්ලේ ප්‍රාදේශීය සභා මන්ත්‍රිවරුන්ගේ නායකත්වය අහිමි වී සිටී.

”නොවැඩුණ මගේ මනසට නොදැනෙන අරුම බුදු බණ”

එහෙම නේද වජිර.

තවදුරටත් වජිර මෙසේ කියන්නේය.

”නොදනිමු. මම සතර බණ පද – උගත්තෙමු හරහා ගුණ නැණ - රැකුම දෙමි වැටුණ කොටිනට - නොහැර යන්නට මගේ ආගම.”