ඇල්පිටිය ප්‍රා. සභාවේ එජාප මන්ත්‍රී සාගර තිලක ඇතුළු පිරිසක් සන්ධානයට

එක්සත් ජාතික පක්ෂයේ ඇල්පිටිය ප්‍රාදේශීය සභා මන්ත්‍රී ඒ. සාගර තිලක මහතා එක්සත් ජනතා නිදහස් සන්ධානයට එක් වෙයි.

පසුගියදා මත්තක උස්බිම් ජනපදයේදී දකුණු පළාත් එක්සත් ජනතා නිදහස් සන්ධාන කණ්ඩායමේ නායක හිටපු ප්‍රධාන ඇමැති ෂාන් විජයලාල් ද සිල්වා මහතාගේ ප්‍රධානත්වයෙන් පැවති රැස්වීමකදී ප්‍රාදේශීය සභා මන්ත්‍රී ඒ. සාගර තිලක මහතා ඇතුළු එජාප ක්‍රියාකාරීන් රැසක් සන්ධානයට එක්වූහ.

ඉදිරි පළාත් සභා මැතිවරණයට එක්සත් ජනතා නිදහස් සන්ධානයේ ජයග්‍රහණය වෙනුවෙන් කැපවෙන බවත් පළාත් සභා මැතිවරණ කාලයේ ජනාධිපතිතුමා හමුවී එතුමන්ගේ ආශීර්වාදය ලබා ගැනීමට බලාපොරොත්තු වන බවත් ඒ මහතා පැවසීය.

රුහුණු සංචාරක අධිකාරියේ සභාපති කේ. එම්. හේමසිරි, දකුණු පළාත් මාර්ගස්ථ මගී ප්‍රවාහන අධිකාරියේ සභාපති ජනක් ප්‍රියන්ත ඉලේසිංහ, දකුණු පළාත් සංවර්ධන අධිකාරියේ සභාපති කපිල ටිරෝන් ද සිල්වා යන මහත්වරු ඇතුළු ප්‍රදේශවාසීහු විශාල පිරිසක් මේ අවස්ථාවට සහභාගී වූහ.