වවුනියාවේ කනත්තකින් මරාගෙන මැරෙන ඇඳුම් වවුනියාවේ කනත්තකින් මරාගෙන මැරෙන ඇඳුම්

වවුනියාවේ නෙලුක්කුලමේ කනත්තක වළ දමා තිබූ, මරාගෙන මැරෙන ඇඳුම් කට්ටල හතරක් වවුනියාව පොලිස් බුද්ධි අංශ නිලධාරීන් විසින් පෙරේදා (22) සොයා ගනු ලැබිණි.

රාජ්‍ය බුද්ධි ඒකකයට ලැබුණු තොරතුරකට අනුව වවුනියාවේ නිලධාරීන් එහි ගොස් එම මරාගෙන මැරෙන ඇඳුම් කට්ටල සොයා ගත් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති නිමල් මැදිවක මහතා ‘දිනමිණ’ ට කීය.

මෙම ඇඳුම් කට්ටල කුමන වකවානුවකදී වළ දමා තිබුණා ද යන්න සෙවීමට පොලිස් බුද්ධි අංශ පරීක්ෂණ පවත්වයි. එක් ඇඳුමක පුපුරන ද්‍රව්‍ය කිලෝ 2ත් 4 ත් අතර ප්‍රමාණයක් තිබූ බවත් නියෝජ්‍ය පොලිස්පතිවරයා කීය.

ත්‍රිකුණාමලයේ උප්පුවේලි සහ සාම්පූර් ප්‍රදේ්වලදී පොලීසිය විසින් සිදුකරන ලද මෙහෙයුම්වලදී ආර්. පී. ජී. බෝම්බ, පතරොම් තොගයක් හා පුද්ගල නාශක බෝම්බ සොයාගෙන තිබේ.

උප්පුවේලි පොලීසිය විසින් කරන ලද මෙහෙයුම්වලදී ජී. පී. එම්. ජී. පතරොම් 774 ක්, පුද්ගලනාශක බෝම්බ 02 ක්, ටී. 56 මැගසිනයක්, ටී 56 පතරොම් 779 ක්, ටී 56 අවියක් සහ ආර්. පී. ජී. බෝම්බ 04 ක් සොයාගෙන තිබෙන බව ජාතික ආරක්ෂාව පිළිබඳ මාධ්‍ය මධ්‍යස්ථානය සඳහන් කෙළේය.

සාම්පූර් පොලීසිය විසින්් සාම්පූර් ප්‍රදේශයේදී සිදුකළ මෙහෙයුම්වලින් අත්බෝම්බ 3ක්, පුද්ගල නාශක බෝම්බ 02 ක් හා කථන රෙකෝඩර් යන්ත්‍රයක් සොයාගෙන තිබේ. මේ අතර ගුවන් හමුදාව විසින් තිªකුණාමලය මනිරාසකුලම් ප්‍රදේශයේ සිදුකරන ලද මෙහෙයුම් වලින් ටී 56 අවියක්් හා අත් බෝම්බයක් සොයාගෙන තිබේ.