ත්‍රස්තවාදී ක්‍රියාවලට සම්බන්ධ කොටි සැකකරුවන් පිරිසක් අතුරුදන් පොලිස් බුද්ධි අංශ හෙළිකර ගනී

ත්‍රස්තවාදී ක්‍රියාවලට සම්බන්ධ පොලීසියට අවශ්‍ය කරන ප්‍රධාන කොටි සැකකරුවන් සැලකිය යුතු පිරිසක් අතුරුදන් වී ඇති බව පොලිස් බුද්ධි අංශ හෙළිකර ගෙන තිබේ. උතුරු මානුෂීය මෙහෙයුම සිදුවන කාලයේ සාමාන්‍ය වැසියන් අතර පැමිණ ඇති එම සැකකරුවන් ඉන්පසු යම්කිසි ක්‍රමයකින් පළාගොස් ඇත. ඔවුන්ට එසේ පළා යාමට යම්කිසි පිරිසකගේ උදව් ලැබී ඇතැයි සැක කෙරේ.

විවිධ වූ අපරාධ සම්බන්ධව ඇතැම් බුද්ධි අංශ කණ්ඩායම් මඟින් අත්අඩංගුවට ගන්නා කොටි ත්‍රස්තවාදී අපරාධකරුවන්ගෙන් ලබා ගන්නා තොරතුරු මත ඒවාට සම්බන්ධ සෙසු සැකකරුවන් අත්අඩංගුවට ගැනීමට යාමේදී ඔවුන් සිටි ස්ථානවලින් පළාගොස් ඇති බව හෙළි වී ඇතැයි බුද්ධි අංශ නිලධාරියෙක් කීය.