එල්ටීටීඊ ව්‍යාපාරික ජාලය ගැන කෙපීගෙන් තවත් තොරතුරු

එල්ටීටීඊ සංවිධානයේ ව්‍යාපාරික ජාලය යළි සක්‍රියවීම වැළැක්වීම සඳහා ජාත්‍යන්තර මට්ටමින් විශේෂ වැඩපිළිවෙලක් ක්‍රියාවට නංවා ඇති බව විදේශ කටයුතු අමාත්‍යාංශය පවසයි.

අමාත්‍ය රෝහිත බෝගොල්ලාගම මහතා පෙන්වා දෙන්නේ කේ.පී. හෙවත් කුමරන් පද්මනාදන්ගෙන් කළ ප්‍රශ්න කිරීම්වලදී එල්ටීටීඊ ජාත්‍යන්තර ව්‍යාපාරික ජාලය පිළිබඳ තොරතුරු රැසක් හෙළිවී ඇති බවය.

ඒ අනුව, ඔවුන්ගේ ව්‍යාපාරික කටයුතු බහුලව පවත්වාගෙන ගිය රටවල විදේශ අමාත්‍යාංශවලට මේ පිළිබඳ දැනුම් දී ඇති බව ද අමාත්‍යවරයා කියා සිටී.

එම කටයුතු අදාළ රටවල පිහිටි ශ්‍රී ලංකා තානාපති කාර්යාල හරහා සම්බන්ධීකරණය කෙරෙනු ඇත.

දැනට හෙළිවී ඇති තොරතුරු අනුව, අප්‍රිකානු රාජ්‍යයක් වන එරිත්‍රියාවේ එල්ටීටීඊ ව්‍යාපාරික ජාලය දැඩි ලෙස ක්‍රියාත්මකවී තිබූ බවට තොරතුරු හෙළිවී තිබේ.