පානීය ජල ගැටළු සපුරාලීමට පියවර

දිවයිනේ ඇතැම් ප්‍රදේශවල පවතින වියළි කාලගුණ තත්ත්වය‍ හේතුවෙන් ප්‍රදේශ කිහිපයක පවුල් 72,987කට අයත් පුද්ගලයන් 263,987කට ජල ගැටළු මතුව ඇති අතර එම ජනතාවගේ පානීය ජල අවශ්‍යතා සපුරාලීම සඳහා රුපියල් 6,370,759ක් වෙන් කර ඇති බව ජාතික ආපදා සහන‍ සේවා මධ්‍යස්ථානය පවසයි.
විශේෂයෙන්ම අම්පාර, මඩකලපුව, හම්බන්තොට, කුරුණෑගල, මොණරාගල, පො‍ළොන්නරුව හා පුත්තලම දිස්ත්‍රික්කවල ඇතැම් ප්‍රදේශවලට ජලය සපයා ගැනීමේ ගැටළු මතුවී තිබේ.

මේ අනුව අම්පාර දිස්ත්‍රික්කයේ පවුල් 20,869කගේ පානීය ජල අවශ්‍යතා සපුරාලීම සඳහා රුපියල් 3,224,052ක් වෙන්කර ඇත.

එසේම පොළොන්නරුව දිස්ත්‍රික්කයේ පවුල් 22,458කට අයත් පුද්ගලයන් 62,162 දෙනෙකුට ද, මොණරාගල දිස්ත්‍රික්කයේ පවුල් 14,442කට අයත් පුද්ගලයන් 60,656 දෙනෙකුට ද මෙම තත්ත්වය බලපා ඇති බව එම මධ්‍යස්ථානය පෙන්වා දෙයි.

මීට අමතරව මඩකලපුවේ පවුල් 11,478කට අයත් පුද්ගලයන්ට ද, හම්බන්තොට පවුල් 1134කට ද, පුත්තලමේ පවුල් 2316කට සහ කුරුණෑගල පවුල් 290කට මෙම අවශ්‍යතාව උද්ගතව තිබේ.

කෙසේ වෙතත් ඉදිරියේදී වර්ෂා තත්ත්වය ඇතිවුවහොත් මෙම තත්ත්වය ‍බොහෝ දුරට මගහැරී යනු ඇතැයි එම මධ්‍යස්ථානය විශ්වාස කරයි.