සහතික සහ කෘෂි උපකරණ බෙදාදීම හෙට

වෘත්තීය හා කාර්මික පුහුණු අමාත්‍යාංශය යටතේ පවතින ජාතික මානව සම්පත් සංවර්ධන සභාවේ මෙහෙයවීම යටතේ කෘෂි උපකරණ සම්බන්ධයෙන් ගොවි ජනතාව දැනුවත් කිරීම සඳහා පැවති වැඩමුළුවේ සහතික පිරිනැමීම සහ කෘෂි උපකරණ බෙදාදීම හෙට (24) පැවැත්වෙන බව එම අමාත්‍යාංශය සඳහන් කරයි.
‍වෘත්තීය හා කාර්මික පුහුණු අමාත්‍ය පියසේන ගමගේ මහතාගේ ප්‍රධානත්වයෙන් පෙරවරු 9.00ට ගාල්ල බද්දේගම තොරතුරු තාක්ෂණ මධ්‍යස්ථානයේදී මෙම උත්සවය පැවැත්වේ.

කෘෂිකර්ම අමාත්‍ය හේමකුමාර නානායක්කාර මහතාගේ අනුග්‍රහය ය‍ටතේ මෙම වැඩමුළුව ක්‍රියාත්මක කර තිබේ.

කෘෂි උපකරණ අලුත්වැඩියාව, ඉසින යන්ත්‍ර ක්‍රියාත්මක කිරීමේ දැනුම යාවත්කාලීන කිරීම, කෘෂි ට්‍රැක්ටර් පිළිබඳ දැනුම ලබාදීම ආදී පුහුණුව මෙම වැඩමුළුව මඟින් ලබා දී ඇත.