මංගල කපාගෙන රනිල් එයි

මංගල සමරවීර මහතාට වඩා තමාට වැඩිපුර තැනක් දී සෑම රැස්වීමක් ම වාර්තා කරන ලෙස විපක්ෂ නායක රනිල් වික්‍රමසිංහ මහතා ඔහුගේ මාධ්‍ය කණ්ඩායමට තරයේ උපදෙස් දී තිබේ.

නිදහසේ වේදිකාවේ රැස්වීම්වලින් මංගල සමරවීර මහතා තමාට වඩා දීර්ඝ වේලාවක් කතා කළත්, ඔහුගේ කථා කෙටි කර මාධ්‍යයේ පලකරන ලෙස එජාපයට හිතවත් මාධ්‍යවේදීන්ට දැනුම් දෙන්නැයි ද වික්‍රමසිංහ මහතා පවසා ඇත.

මංගල සමරවීර මහතාගේ කතා මෙසේ කප්පාදු කරන්නැයි වික්‍රමසිංහ මහතා උපදෙස් දී ඇත්තේ, දෙදෙනාගෙන් වඩා දක්ෂයා මෙන් ම වඩා වැදගත් කතාව කරන්නේ කවුදැයි යන්න ජනතාවට එළිදරව්වීම වැළැක්වීමට ය.

පසුගිය වකවානුවේ නිදහසේ වේදිකා රැස්වීම්වල දී සමරවීර මහතා කළ දීර්ඝ කථා පුවත්පත්වල එලෙසින් ම පළවීම මෙවැනි තීන්දුවක් ගැනීමට හේතුවී ඇතැයි කියති.